فرديتنا
لما قررنا نعمل بلوج كانت احلامنا وافكارنا انه يكون محاولة مننا كمجوعة أصحاب مختلفة فى افكارها و احلامها اننا نخرج بافكارنا الصغيرة والفردية والمختلفة لكلام مكتوب نتناقش حوليه بعد محسينا ان افكارنا واحلامنا طايرة وسط زحمة الدنيا والنسيان بييلتهمها ... وبعد ما زهئنا من تريئتنا على الدنيا واللى فيها حبينا نشاركم افكار كل واحد فينا لاننا حسينا اننا محتاجين ندافع عن افكارنا الفردية و اختلافتنا وسط مجتمع بيعشق المجاميع والاحلام العامة والهم العام وبعدما حسينا ان محدش عايز يسمع احلام صغيرة او حزن جوه قلب او فرحة طايرة من العين فقررنا نقول اللى عندنا من غير حسابات ومن غير منزوء احلامنا او نفلسفها... فاحلامنا هتبقى مهمة كل ما كانت صادقة وقريبة وفرديةأصحاب من أجل الاعدة الحلوه
posted by so7ab @ 5:05 PM
5 Comments:
مستنيكم ايه السادة
: )
لبست الخوذة والركب ومستني ، يلا بقى
مش مجمله مني ولا حب مني ليك بس كل مره بتفجاني بجديد فيك فعلا عايز اقولهالك من جوايه من جوايه اوي بجد انت فريد من نوعك قدرت تعبر عن حجات كتيره في الجمل الي انت كتبتها عن حيتنا وافكرنا بس مستنييين نعرف ايه الطريقه او المبدا الي احنا عيشين بيه ياريت اعرفه منك؟؟؟؟ بجد بجد برافو برافو يابسام الفنان
يا فنان الف شكر على الكلام الجامد اوى ده والكلمة المكتوبةديه بتعبر عن حلم وامل كل مجموعة البلوج .بس يا فنان مش انا اللى هقول ايه المبدأ او الطريقة كل واحد فينا هيطير مع افكاره واحلامه وكل واحد فينا هيحدد هو الطريقة اللى يحس معاها انو انسان خلينا نتكلم ونشوف هنروح باحلامنا وافكارنا على فين
شكراً لكم ع الموضوعات المتنوعة ... موفقين :)
Post a Comment
<< Home