Thursday, April 19, 2007

الخوف القاتل


طول عمرى باخاف من الفشل مع انى عمرى ماعرفت النجاح ولاعرفت امتى أحس انى ناجحة بس عارفة كويس ان احساسى بالخوف هيقتلنى فى يوم من الأيام، يمكن ماما السبب طول عمرها شايفانى ناجحة ماعرفش ليه ويمكن انى مغرورة ومش عايزة احس بالفشل
بس زهقت وتعبت وخايفة وماعرفش خايفة من ايه؟
مزن

13 Comments:

At 4:36 AM, Blogger Egypt Rose said...

كيف يتسرب الى قلبك الخوف وهو مليء بالحب ؟؟ كيف تشعرين بالفشل و حولك مجموعة هائلة ممن يحبونك؟ لم تسمح لنا الظروف في التعرف على بعضنا البعض و لكن نظرات عينيكي اللامعة تبعث على الاطمئنان وتؤكد بان قلبك مليء بالحب و بانك أمرأة مميزة .. يجب ان تختاري ان تكوني سعيدة لكي تحصلي على السعادة وتأكدي أنك أنت مصدر سعادة للكثيرين من حولك وهذا سوف يمنحك الاحساس بالثقة ويبعد عنك الاحساس بالخوف و الفشل .
ممكن تشوفي http://www.loveofegypt.blogspot.com
/وتقولي حسيتي بأيه

اشوفك قريباً

أمل

 
At 6:46 AM, Blogger مـحـمـد مـفـيـد said...

عزيزتي /مزن
انتي خايفه من الخوف
الخوف من اي شي يتحقق لديكي
علي المرء السعي وليس عليه ادراك النجاح
اهدئي وحددي هدف وبالمحاوله ستصلي اليه
بلاش النبره دي يا مزن

 
At 8:00 AM, Blogger kholoud said...

اتخضت اوي يامزن من اللي انتي كتباه مش عارفة ليه اتخضيت كده... بس كان في حاجة ما جديدة مش عارفة بالضبط هي ايه.. مع اني عارفه كل اللي انت قلتيه .. بس يمكن مش متعودة اسمعك بتكلممي بالهجة دي.. ومش حقلك انك شاطرة ولا دي مجرد هواجس ولا الكلام العبيط ده لاني عارفة انك عارفه كويس ..صحيح احنا اتربينا علي اننا مينفعش نفشل .. ومينفعش نبقي نص نص.. والمشكلة ان انتي كمان احساسك بشطارتك وتميزك هو ده مصدر الامان الاساسي ليكي

 
At 9:39 AM, Blogger أحمد said...

يا افندم حضرتك رمز
لازم تكونى اقوى من كدا والا الاولاد والجماهير يعملوا ايه لما يقرأوا الكلام دا

اقفى كل يوم الصبح امام المراية وقولى
يا جبل ما يهزك ريح

 
At 4:33 PM, Blogger mozn said...

امل......... شكرا على تعليقك واهتمامك ، عارفة انى حواليا ناس بتحبنى وده عمللى حالة هدوء نسبى بس مش قادرة اتخلى عن الشعور بالخوف ويمكن لو عندى تعريف للنجاح كنت ارتحت بس مش قادرة
على فكرة البلوج بتاعك جميل وشادى كمان جميل جدا
محمد مفيد
يارب اقدر اهدى بس حتى فى موضوع تحديد الهدف ده مانا محدداه بس برضه خايفة من الفشل ومش عارفة أقيم النجاح
شكرا يامحمد على اهتمامك
دودى
تخيلى انى حاسه ان مصدر المان الوحيد ليا بقا شئ وهمى حاجة مرعبه صح؟

 
At 4:35 PM, Blogger mozn said...

العزيز جدا احمد،
يافندم والله مش عارفة اعمل لك ايه عشان متتريقش عليا
بس شكرا والله على التعليق
وهاعمل بالنصيحة "ياجبل مايهزك ريح"
"ياجبل ما يهزك ريح"
"ياجبل مايهزك ريح
ياجبل.......................................................................

 
At 6:39 AM, Anonymous Anonymous said...

هذا الساكن فينا
يدخل دون استئذان يعترينا تقف الهواجس علي حافه منحدر الرغبه
هذا المجهول يطلق ارجوحاته المتثاقله فنفتقد النشوه هو ليس الخوف انما الحزن لأن الأحلام لن تتحقق او هكذا تتفكك عبثيه المشهد
ذلك الزمن الرديء لن يمتحن فيه الصواب
انما يسقط يسقط
بينما يبقي ثمه امل في تلافي النهايات الحزينه
قد تغدو الأحلام ممكنه وسعيده
لأنك تستحقين

 
At 2:55 AM, Blogger Betomba said...

فكرتيني بأغنية
باحبها

مش عارف ....

عارفة مابقتش بقلق من أني كل يوم أبص في المراية مش فاهم أنا عامل كدة أزاي و بقيت كدة أزاي .... و لا حتة بقيت بقلق من المشاعر بتاعت أفلام السيما : يا ترى أنا موجود ولا متيهيألي ... و لا حتى بقيت أقلق من أني ممكن أعيط كل يوم في الحمام من غير ماعرف لية.

بس قلقان أوي أني مش عارف أقول اللي حاسة ...و أني دايما المفروض أمثل ... و أني لما بقول اللي حاسس بية محدش بيفهمني أو بيحسني ... و دايما المفروض أني أخبية و أخلية جوايا.

أنك تعبر عن ألمك أو ضعفك ... بقى شئ مرعب و مؤلم ...

 
At 4:16 AM, Blogger mozn said...

المجهول اللى انا عارفاه معنديش ثقة فى انى استحق اى حاجة
Betomba:
طول عمرى مبعرفش أقول اللى انا حاساه حتى لو يبان انى باقدر بس بجد الحالة دى مرعبة وتخوف
حاول تلاقى حد تقدر تقوله كفايه حد واحد

 
At 5:09 AM, Blogger Simsima said...

يا خراشي
موزنون . . .خايفة!!!!!!!!!!!
ياللمهزلة الأنوية
يا فضحتك يا مصر
مزن خايفة
يا نهار يا نهار ، هيا الدنيا اتقل خيرها من شوية
شوية جد بقي ، احنا مش جاين هنا نهزر
شوفي يا ستي، أنا عندي الاحساس دا بشكل مزمن لدرجة ان أنا طبعت معاه تماما ومبقيتش مستغرباه، بس متهيألي أنا حياتي فعلا ملخبطة ،بس عندي احساس ان كله هيبقي كويس وأكيد الدنيا هتتظبط بأمارة ايه مش عارفه بس قشطة
أنا شخصيا بجد بحبك جدا وشايفاكي شخص ناجح وجميل وعندك طاقة جميلة جدا بتصدريها للبشر طول الوقت . .حاولي تتطردي الإحساس دا وبدال متقوفي قدام المرايا كل يوم الصبح وتقولي يا جبل ما يهزك ريح والكلام الكبير دا ، اقفي وقولي لنفسك صباح الخير يا مزن ، وتقوليها انهاردة هابقي أحسن كتير ، وتقولي لنفسك برضه ان انتي بنوتة جميلة و زي القمر
أنا عموما كل ما اصحي وأشوف نفسي في المرايا أقول "قطيعة ماحدش بياكلها بالساهل" :)

 
At 4:08 AM, Blogger mozn said...

تعرفى ياسمسة هو ده اللى مخوفنى ان محدش مصدق انى خايفة هو انا مابيبانش علياانى باخاف
انا كمان بقا الاحساس ده جزء منى بس ده شئ مرعب
والله اقتراحك حلو هاقولك لو جاب نتيجة
شكرا ياسمسمة

 
At 6:52 AM, Anonymous Anonymous said...

مش ماما بس اللي على طول شايفاكي ناجحة.. أنا كمان على طول شايفيك ناجحة وعارفة انتي عايزة ايه..

وطول الانسان ما هو عارف هو عايز ايه وبيسعى له بجد فهو انسان ناجح، حتى لو مقدرش يوصله..

مهند

 
At 8:03 AM, Blogger mozn said...

ربنا يخليك ليا يامهند
اتاثرت قوى بردك
بس انا برضه لسه خايفة

 

Post a Comment

Links to this post:

Create a Link

<< Home