Saturday, April 21, 2007

مجرد أصدقاء


مواقف كثيرة تجعلني افقد أعصابي واخرج عن هدوئي المعتاد لألعن واسب الزيف والكذب والمعايير المزدوجة يراني احد الأشخاص مع فتاة فيذهب سريعا ليجس نبضك إذا كانت هناك أية مشاكل نظرا لجلستي الرومانسية الخلوية مع إحداهن في بارات وسط البلد الممتلئة بالأصدقاء والمعارف ..تخبريني عن حديثه بكلام لا يخلو من الشك والاستفسار وسط نبرة ساخرة تمويهية لا تخفى شكك بل تفضحه أكثر ...أثور اغضب اسخر من المعايير ثم أسترخي وأتذكر مواقف مشابهه استعملت فيها أنا نفس الطريقة ولكني بدأت لا اندهش من هذا الاكتشاف المتأخر و المتكرر عن تشابهنا جميعا ولكن ما أصبح يراودني بشدة استفسار لا أجرؤ على طرحه : هل بالفعل كل علاقتنا ملتبسة...هل كل العلاقات من الأساس ملتبسة ..إذا كنت العن الكذب والزيف أليس الطبيعي أن نشك في كم هذه العلاقات الملتبسة ...سأعلن ألان عن الكلام الذي لم أقوله من قبل لازلت أرى في كل الجالسين سويا نظرة خفية ومشاعر مضطربة تختبىء خلف مسميات الصداقة والزمالة والعشرة والأخوية ...لماذا نثور دائما عندما يفضحنا البعض أو تفضحنا أعينا السارحة في هذا الالتباس ...بعد التفكير توصلت للاعتراف الأخير " أنا........ اعشق هذا الالتباس بيننا جميعا


بسام مرتضى

......................................

الصورة ل حمدى رضا

6 Comments:

At 9:36 AM, Blogger مـحـمـد مـفـيـد said...

عزيزي /باسم
المسميات كثيره والمضمون واحد
الملتبس ملتبس ولكن يبقي الوفاء ليمحو كل تلك الاءلتبسات
بوستك حساس يا نجم

 
At 11:54 PM, Blogger Egypt Rose said...

هو حصل ايه يا شباب مزن خائفة و انت ملتبس .. ماذا حدث حتى مرتضي لا ينام ومتوتر .. هل هي العوامل الجوية و اختلاف الفصول مما يعمل على اضطراب المزاج ؟؟ يمكن ولا الجميع في حاجة الى ترتيب اوراقه المبعثرة.. أو ربما ان رتم الحياة اصبح اسرع من قدراتنا مجتمعين .. الموضوع سهل جداً و بسيط و جربته كثير.. لما تعرف حد صارحة بطبيعة العلاقة .. بحبك بحبك وبس.. مصاحبك مصاحبك و بس .. عاوز اتجوزك اتجوزها .. عاوز تعمل اي حاجة تانية تبقي اعملها وتسميها باسمها الحقيقي .. والحياة سوف تكون رائعة جداً..

 
At 12:57 PM, Blogger Egypt Rose said...

اكتشفت حاجة كمان .. بعدما مر على يوم قاسي مرهق عاطفياً قاسي على المستوى الانساني أستطعت ان اصل الى مسمي لخوف مزن و التباسك و توتر مرتضي و اكتئاب سمسمة وحزن رشا و الضعف الذي بدأ يتسرب الى قلبي .. انها "علاقات الظل" وهو مسمي لما ندور فيه طوال اليوم علاقات ليس لها مسمي اخر .. خارج اطار المجتمع الذي نعيش فيه تمنحنى سعادة وقتية تؤلمنا طوال البعد.. خائفين طوال الوقت إما من الهجر او الاكتشاف

 
At 5:36 AM, Blogger Simsima said...

صح جدا يا بسام
انت حطيت ايدك علي حاجة مهمة جدا، طول عمري مش عايزه أصيغها ، مشكلتنا الأساسية ان احنا دايما شايفين نفسنا كوكب تاني غير الناس الطبيعة ، وان احنا شخصيات مختلفة عنهم تماما ، المشكلة ان احنا معظم الوقت بنتصرف زيهم ، بس بنكدب علي نفسنا ونحاول نلبس طاقية التقدمية لكل تصرفتنا، أنا موافقة كمان جدا علي التعليق التاني لأمل ومعجبة جدا باصطلاح (علاقات الظل)
عموما عمرنا ما هنفك الالتباس دا غير لما نفهم نفسنا ونقبلها ونتصرف بطببيعتها من غير كلام كبير حولين ان احنا مثقفين ونخبة وتقدميين وحركات
لازم نبقي نفسنا

 
At 5:57 AM, Anonymous assem said...

بيسو
صباحو منجى
و الله يابسام
مش عارف اخد كلامك على محمل الصراحه اكتر منه اكتئاب لان حالات اللبس اللي بتحصل في العلاقات دي ممكن كنت ساعات احبها زيك بالظبط و ساعات بتبقى حاجه تقبض النفس و تخليك مشتت و مش فاهم اللي حواليك و اللي انت بتعتبر نفسك طول الوقت فاهمهم
اسف لو كلامي مش مفهوم بس عشان تقريبا بتكلم على مشكلة حاصلالي
مش مهم
المهم وحشتني جدا
عاصم

 
At 4:26 AM, Blogger أحمد said...

أنا اكتشتفت مؤخرا انى مدمن علاقات ملتبسة... يعنى مش بعرف اساسا اخش او اكمل علاقة مفيش فيها التباسات

 

Post a Comment

Links to this post:

Create a Link

<< Home