اسكندرية تانى
مرت بيا ايام وانا خارج تفاصيلى اليومية فانا فى الاسكندرية اللى فيها اهلى وزكرياتى الجامعية اللى أغلبها مؤلمة وحزينة، صاحبتى اللى ماتت، اصحابى اللى خسرتهم، وصحباتى اللى سافروا ومعرفش عنهم حاجة رغم اننا كنا مبنسيبش بعض ولا ثانية........ولاء الوحيدة اللى صاحبتى ولسه عارفة كل حاجة عنى وكل ما اجى اسكندرية اكتشف انى اتغيرت جدا، ساعات مبعرفش نفسى، انا ازاى اتغيرت كده؟! يمكن علشان مكنتش سعيدة ولاراضية عن نفسى زمان ودايما حاسة انى ناقصنى حاجةهو انا سعيدة دلوقت؟!لا، بس حاسة انى مش وحيدة حواليا مجموعة من الأصحاب لاقية نفسى معاهم، من غبر مايحكوموا عليا ولا يحاسبونى بس قادرين يساعدونى ويقفوا جنبى
كل ده مخلينى واثقة اننا هنقدر نعدى كل حاجه علشان احنا مع بعض
مزن
posted by mozn @ 8:22 AM
5 Comments:
مش عايز اقولك كلام انشا قديم و أنا عايز اعيش دور الواعظ الكلاسيكي كل الل اقدر اقولهولك دوري علي حاجة كويسة جواكي و خليها محور حياتك
و لما تيجي اسكندرية المر الجاىة مش حتبقي لوحدك امال انا عايش في اسكندرية باعمل اية
الاماكن والشاورع والحوارى كل الحاجات مش هى اللى بتعمل المكان بس الروح والنفس والكلام والضحك والبكاء هو علاقتنا بالمكان ولما هنكون مع بعض ولسه ضحكتنا خارجة بتلعلع ولسه حتى دمعتنا بطير على الكورنيش اكيد المكان هيتغير
صحيح
نفس احساسي تجاه اصدقائي القدامي
لما بغيب و ارجع بلاقيهم اتغيروا او يمكن احنا اللي بنتغير
مش بلاقي نفس لغة الحوار القديمة اللي كانت بنا
و بيبقي الكلام كله عن العيشة و العيال و البلد و اللي فيها
يمكن اللي ضاع روقان البال؟! لان زمان مكناش شايلين مسؤولية
بس فعلا هو شيئ مؤلم
صحاب.. الحمد لله اننا بنقدر نلملم وجع بعض و يمكن اشتراكنا في الوجع بيخففه
ابقي تعالي يا صحاب نشرب شاي سوا
الظاهر يا مزن ان انت من الناس اللى انكتب عليهم ماينسوش اى حد
شوال ذكرياتك مليان وشوش وأرواح بتطاردك
بس عارفه الجميل ان انت حاسه ان انت حته من وحدة صحاب
وده يكفي..ويزيد
تفتكري يامنويلا بس دى حالة تخوف أوى نفسى انسى حاجات كتير مش هأقدر أكمل بكل الألم ده!!!!!!!!!!!!!!!!!!!
Post a Comment
<< Home