مبروك أيطاليا ..باى باى يا مونديال
بصفتى ايطالى فظيع ومتعصب من ايام الكابتن روسى اللى وعيت عليه طشاش مرورا بباجيو وميضرش معاهم اسكلتشى وكسيراجى نهاية بجيل المودل الجامد اخيرا فرقتى منذ نعومة اظافرى فرحتنى بكاس عالم وانا واعى كده ومعاكم حبيت انقلكم اهم افيهات المونديال من على قهوتى بعد المولد ما خلصحركة شفشينكو وبرنامجها اللعب على الهجمة المرتدة
هنرى : خلى هيفا تنفعك
الفرنسيس فكرنها المنصورة - واحد صحبى ذكورى اوى
اتوفيستر مدرب توجو : خليه ينزل عبد الحليم
واه يا سعودى - دى افيه لوحده
اسماء لاعبى كوت ديفوار - تيزى - ذكورة - لا حول ولا قوة الا بالله
شاكيرا فى حفلة النهائى ...........الرقابة اصت كتير اوى
كلوزه ده معجون سنان - شنفشتيجر والنبى فى عيل اهله يسموه كده
متعرفش مش منتخب فرنسا نصو مسلمين الله اكبر الله اكبر اللعب يا ابن الكل.....؟
زيزو زيزو حد يضرب الواد ده عوره اقتله لا .زيزو جاب جون
بسام
posted by so7ab @ 5:43 PM
6 Comments:
مبروك يا بسام ، فرحان اوي ان الطليانة اخدوا كأس العالم ، يلا اهي تلهيهم شوية عن الفساد اللي في الدوري ، انا فعلا زعلانة عشان فرنسا ، مش بس عشان كنت باشجعهم ، بس كمان عشان كأس العالم لو كانت اخدته الفرقة دي اللي نصها مسلمين و ملونين كانت ها تبقي رد اعتبار لهم بعد السخافات و العنصرية اللي اعرضوا لها في كأس العالم دة ، مرورا بالهتافات العنصرية اللي اتعرض لها تيري هنري في ماتش اسبانيا في دور ال 16 و انتهاءا بتصريحات لوبان اللي قال فيها ان الفرقة دي لا تعبر عن وجه فرنسا الحقيقي يلا خلص كأس العالم و فضلت منه ذكريات حلوة كتير منها طموح كوت دايفور و حرفنة البرتغال و انكسار البرازيل و في الاخر سي كانافارو افندي و هو رافع كأس العالم .
على فكره انا كنت بشجع ايطاليا كلعب وخطط وكنت متعاطف مع فرنسا بس لو كانت ايطاليا خلصت الماتش فى الوقت الاصلى كنت فرحت بس ضربات المعاناه طلعت روح التعاطف اللى عندى ومشونى زعلان فى الاخر
بس كان لازم تجيب سيره المنصوره اللى متعرفوش ان المنصوره هى اللى اثرت لويس التاسع وطردتهم يعنى زيها زى الطايلان
عزيزي بسام
مبروك يا سيدي على المدونة الجديدة واللي أجمل ما فيها انها مشتركة بين أكتر من شخص
وادعوكم جميعا لزيارة مدونتي
http://asfoorelsharq.blogspot.com/
اخوكم
عمرو
انا والله لم جبت سيرة المنصورة كنت بس بنقل افيهات ناس على القهوة وكتبت جبها واحد صاحبى ذكورى اوى بس محدش ينكر ان الافيه جامد و مرسيه لكل التهانى وهنقلها اكيد لصديقى زمبروتا
أنا طبعا يافاطمة ويابسام من الناس السعيدة عموما علشان كاس العلم خلصت وخلاص....أصحابى هيرجعوا تانى أشوفهم براحتنا من غير تحديد مواعيد المتشات واضضطر أقعد معاهم وهما بيتفرجوا عليهم وكمان وهما بيحللولها ويتخانؤا عليها
مبروك عليا نهاية الكاس، متزعليش ياطماطم بكرة هنرى يعمل احلى شغل................
واتبسط يابسام بكرة النكد جاى كتير
طبعا هيا جات متأخرة بس السبب فى زنؤل-اللاب توب الجديد بتاعى-مكانش راضى يكتب عربى
تعليقات وافيهات رائعه
ومبروك علي المدونه الجميله واتمني لكم المزيد
Post a Comment
<< Home