الفرح الموازى..وسخافة الحدث
النقطة الثانية هى ما ظهر بوضوح منذ اعلان جمال مبارك عن زواجه والتى اعادت لاذهان المعارضة قضية التوريث كأن ما كان ينقص جمال هو اكمال نصف دينه وان زواجه هى الخطوة الاهم فى طريق التوريث لان المصريين لا يقبلون برئيس أعزب وبعيد ا عن هذا الفسير اللوزعى فقد اتضح بعنف ازمات بعض اطياف المعارضة بالاخص المسيطرة على الجرائد الحزبية والمستقلة ومعهم مجموعة كبيرة من المدونيين مع جمال مبارك الازمة اساسها يكمن فى ان كل ما يغضب المعارضون فى جمال هو انه ابن مبارك العسكرى الغبى ذو القفا الكبير وانه كان مشكوك فى فحولته وهذا بسب تاخيره فى الزواج وارتباطة الشديد بمحمد كمال الاعزب الاخر او انه مدلل فى المنزل يسير على اهواء الست والدته او انه سيتزوج فتاه رغم فارق السن الكبير بينهم فهو وحش كاسر هذه هى ازمات المعارضة فى تولى جمال الرئاسة وكلها اسباب مستوحاه من تاريخ السينما العربية فى وصف الشرير الفاسد فتحول معها جمال الى بطل الشر وكانت المعارضة سعيدة بدورها كصاحب البطل الخير الذى سياتى لانقاذ البطلة وهم الان فى مرحلة انتظار البطل الغائب ..كل هذا ليس له اى علاقة بالعمل السياسى او الصراع السياسى فجمال مبارك يحمل رؤية سياسية واضحة ظهرت فى السنوات السبع الاخيرة وهنا نادرا ما تجد احد ينتقد هذه الرؤية او يهتم بطرح بديل افهم ان مناهضة التوريث تعنى توريث مشروع استبدادى قائم على استغلال الفقراء واضطهاد للاقليات ويحرم العمال من ابسط حقوقهم ويحتقر المرأة و له توجه بوليسى و بيروقراطى ذو نزعة دينيه لا توريث الاب للابن .. الامر بالفعل خطير اذا ترك لامين سياسات الوطنى ولكن مقاومة ذلك لم ترقى لخطورته وظلت محصورة فى هذا الاستعراض الاعلامى والشعارات المتلاعبة بقيم المصريين الرجعية بدلا من ان تبدأ المعارضة مقاومتها لنظام جمال مبارك بتحطيم قيم متخلفة ورجعية ومحافظة تستغلها الحكومة على مدار تاريخها
posted by so7ab @ 7:43 AM
14 Comments:
لقد تم ميلادك اليوم يا بسام واصبح من الواضح انك ترى الاشياء بوعي ونضوج شديد وربما تكون انت نواة لحركة واسعة لاستعادة مصر مكانتها الريادية في العالم وذلك لانك اكتشفت زيف ما يسمون انفسهم معارضة .. معارضة ايه ويسار ايه ..انهن مجموعة من النصابين .. شرف ايه وخيبة ايه لسة حد في العالم بيفكر كده عمري ما فهمت اي حد يرى ان شرفه في شخص اخر او بالاحري في واحدة ست وتحديداً في (....) ليه يعني .. الشرف هو ان اكون حر و متحرر اتعامل مع الاشياء بمصداقية لا بازدواجية
على فكرة
انا معاك فشخ يابسام و اكتر حاجه بتخنق كمية الجرايد مزروبان جرايد و صحافة ياريتها زي النباء و غيرة لاء دا الدستور و الغد و صوت الامه و الموجز و غيرهم من الجرايد اللي ملهاش علاقة بصناعة الخبر او فن الخبر و قايمين بس على استفزز مشاعر ذكورية عند الناس تجاه قضايا وطن ان صحت كلمة وطن اصلا و للاسف كمان كل اتباع الطريقة دي في التفكير او التحليل غير قابلين للنقد تحس يابسام انك لو اخدت موقف منطقي ضدهم او ضد افكارهم يتم اتهامك انت كمان بال.... و ال...
انا معاك يابسام جدا بس على اختلاف مع ايجيبتروز
في انك نواه حركة بتنجانية واسعه
و ضد كلامه بتاع الازدواجية
لان الازدواجية مرض عندنا كلنا و بلاش برضه نبقى بنجلد نفسنا
قشطة يابيسو
كلمني
تبدأ المعارضة مقاومتها لنظام جمال مبارك بتحطيم قيم متخلفة ورجعية ومحافظة تستغلها الحكومة على مدار تاريخها
وعايز المعارضة تستغل آيه بس
الاستغلال من الاستسهال والاستهبال والاسهال اللي خلى الجو العام معروف مسبقا
يعني ممكن دلوقتي نطرح قضية افتراضية وننجح في تنبؤ المواقف مسبقا
لكن التغيير شوف غيرها أصل اللعبة كده سهلة ومش بتاعة لعيبة أي حد يلبس فانلة وينزل ومفيش حكم يصفر والجمهور عند بتاع اللب والسوداني في المدرجات بيفاصل في ثمن القرطاس علشان يآكل شوية السوداني ويصقف زي القرد ويلبس القرطاس وكله بيعمل عجين الفلاحة
او الصديقة املEgypt Rose
الف شكر على كلماتك الرقيقة رغفم انى مش شايف نفسى نواه ولا حاجة تانى حاجة ان بجد المدونة دى من زمان وهى بتناقش نفس الازمة
اخيرا انا شايف نفسى يسار و مش شايف باقى الزملاء ناصبين الفكرة انو احنا مختلفين ممكن يكون اختلاف عميق وعنيف لكنه مجرد اختلاف
عاصم
متفق معاك جدا
وهى دى الفكرةان الامر حتى خرج من اى حرفية مهنية والكل بيكتب بنفس الطريقة مش فارق اذا كان معارضة ولا حكومة ولا حتى اخوان
والكل متخيل انه كده بيوصل للشعب البسيط والقصة كلها فى كام الف واحد الكل بيدور عليه
عمرو الشرقاوى
انت لخصت الازمة فى توصيف هايل انو مبقاش فيه لعيبة تحس بده جدا لما تابع برامج حوارية زى العاشرة مساء او البيت بيتك او حتى 90 دقيقة تحس ان مفيش حوار من الاساس ومفيش افكار ومفيش اختلاف حقيقى فى هزار كبير اوى والمصيبة انو هزار بايخ وممل
والجمهور عاش عن بتاع عند بتاع اللب والسودانى خلاص
ممكن يا بسام تعرفلي اليسار و اين يوجد في مصر (شكله) واذا ما كان له اي انجاز يذكر على اي مستوى غير السهر في وسط البلد على القهاوي.. ما هو حجم انتاجهم الفكري أو السياسي
بسام
أتفق معك في سخف ربط تحرير مصر بالشرف
ولكن أختلف معك في كون أن جمال يحمل رؤية سياسية بخلاف خطة التوريث التي أعتبرها بالفعل مشروع استبدادي وهو بالمناسبة له شكل الأفلام القديمة أيضا
يعني الحكومة بتلعب سينما خايبة هي كمان مش بس المعارضة
تحياتي
العزيزة امل
فى البداية اعتقد ان تعريف اليسار هو امر طويل جدا يحتاج منا مجهود ووقت اكبر ..اما اين يوجد فى مصر فاعتقد ان اليسار المصرى واضح بشكل كبير وعليه فى الفترة الاخيرة هالة اعلامية منذ مولد الاصلاح وعلى تاريخ الاحتجاجات فى مصر كان اليسار حاضر بغض النظر عن وجهة نظرى فى حضوره وشعارته موجوده
ليس كل اليسار المصرى يسهر فى وسط البلد فانا اعرف يسارين يسهرون فى مصر الجديدةوالمهندسين والهرم : ) ..بصى ياريت منحكمش على الناس من خلال سهاراتها لان ده ملوش علاقة بيسار ولا يمين ده اسلوب حياة
بالنسبة للانتاج الفكرى اعتقد ان الانتاج ضعف فى الفترة الاخيرة بالاخص من نهاية التسعينات لكن ده مينكرش انه لازال هناك اسهام حقيقى من بعض فصائل اليسار المختلفة فى خلق رؤية وخطاب جديد و النموذج الاخير كان مجلة البوصلة اتمنى انك تتصفحيها
http://bosla.org/
وعلى المستوى السياسى قدم عدد ايضا من فصائل اليسار اوراق ومبادرات للاصلاح ابان فترة الحديث عن الاصلاح فى مصر وهنا رغم اختلافى مع كتير من المبادرات الا انها كانت اضافه
اليسار المصرى على مدار تاريخه ارتبط بحركات عمالية حقيقة ولازال البعض مرتبط بتحركات عمالية لكن ده امر يطول شرحه برضه ومش عايز اكون مخل
اليسار المصرى ليس كتلة واحده ودائما هو معترف بذلك واعتقد ان ده احد عوامل تميزه وجود اختلافات وتبتينات وتنظيمات وتكتلات مختلفة علشان كده احنا منقدرش نحط اليسار كله فى نفس الخانة
لازلت ارى ان اغلب فصائل اليسار تحمل ازمات فكرية عديدة ولم تقدم اضافات كما اتوقعها واتمناها لكنهم من الصعب وصفهم بالنصابيين من الممكن ان تختلفى معهم اختلاف عميق قد يؤدى لانهاء اى صورة للتعامل لكن كلمة نصابيين لا اجد لها محل
ولا انتى ايه رايك
الافغانى
نورت يا راجل ..وتحية كبيرة لبنى قومى
: )
سعيد بالحملة واعد بالمشاركة
film69
يعنى ابو رشوان
نورت يا بطل ..مبدئيا كويس اننا متفقين
فكرة ان جمال لا يحمل رؤية سياسية اختلف.. جمال ولجنة السياسات ادمو عدة وثائق للاصلاح وللشاركة الخارجية ولقضايا داخلية اعتقد انها كانت خطيرة جدا وخلينى ابعتهالك وانت هتشوف مدى خطورة رؤية جمال الجديدة
واعتقد ان الشكل السياسى فى مصر مختلف قبل ظهور نجم جمال وبعد ظهوره وتوليه امين السياسات مش للافضل اطلاقا ولكن هناك خطاب ورؤية سيساية مختلفة اراها انها اكثر خطورة واستغلال ولكن لازم كمان اشوف انها مختلفة
الحكومة بتلعب افلام عربى بايخة يعنى هى عادتها ولا هتشتريها الازمة ان المفترض ان المعارضة تكون بتقدم رؤية مختلفة
عايز اشوفك قريب يا زعيم
لا مؤاخذة يعني أنا ملقيتلكش مايل فجيت علقت على بوست إنت كاتبه باللي أنا عايز أقوله
هو إنت تعرفني عشان تقول "الأشكال دي" تعليقاً على البوست بتاع بيسو عن حفلة سعاد، ياريت تتكلم بإحترام أكتر من كدا
انا اسف جدا يا استاذ زنجى واتمنى انك متكونش فهمتنى غلط
انا كنت بتكلم عن نمط بشر ليه مشكل معين من الاراء وهذا هو المقصود بالاشكال دى ومكنش قصدى خالص الاهانة اد ما كنت اقصد حجم السعادة التى تنتابنى من مقاطعة جمهور يريد ان يفسد علينا حفلة انتظرها
اعتذر ثانيا واتمنى ان تتقبل اعتذارى ولك خالص الاحترام
العفو يا سيدي أنا اللي آسف إذا كنت أزعجتك بعدوانيتي بس أنا فعلاً الموضوع إستهلكني بما فيه الكفاية
أظنك تتفهم موقفي لو كنت قاعد في بيتك و لقيت الناس قاعدة تسبلك ميت ملّة من غير ما تكون مسيت حد فيهم بحاجة
Post a Comment
<< Home