Tuesday, January 02, 2007



تم تنفيذ حكم الاعدام فى صدام حسين صبيحة أول أيام العيد وبعيدا عن رأيى الشخصى فى رفض عقوبة الاعدام وتمنياتى فى الغائها ورغم اعتقادى الشخصى ان صدام بالفعل ارتكب جرائم ضد الانسانية الا ان الجميع فشلوا فى اثبات ذلك فالمحاكمة بالفعل لم تكن عادلة ومنصفة ليس لما أبداه صدام والاخرون من شجاعة اثناء المحاكمة ولكن لأسباب اخرى تتعلق بمبادئ المحاكمة العادلة.
أنا شخصيا لم اهتم بميعاد الاعدام لأننى ضد الفكرة فى حد ذاتها سواء أول يوم العيد أو فى أي يوم من أيام السنة ولكن ما أذهلنى توحد العديد من العرب والمسلميين مع صدام حسين واعتبار اعدامه اول أيام العيد اهانة شخصية لهم
ولدينهم ومؤامرة من الامبريالية العالمية عليهم دون النظر الى أى أبعاد طائفية داخل العراق.
مزن

6 Comments:

At 4:02 AM, Blogger fatma said...

مزن
صدام شخصية بغيضة و هو مجرم بكل ما تحمله الكلمة من معاني و لكن لو كنا نتشدق بحقوق الانسان ، لا يمككنا ابدا ان نحرم صدام و اي مجرم اخر من حقوقه اللصيقة به كونه انسان
انا علي عكسك يا مزن اعتبرت اعدام صدام في هذا التوقيت و بهذه الكيفية التي اجريت بها عملية الاعدام اهانة فمهما كان جرم صدام الا انه ليس كبش فداء

 
At 4:54 AM, Blogger مـحـمـد مـفـيـد said...

رغم كل الاختلافات علي صداك كونه ضالم ومستبد الا انه الموقف نفسه يعتبر اهانه

 
At 8:13 AM, Blogger so7ab said...

زونتى

اولا اختلف مع فاطمه ومفيد فى كون الحادثه بمسابه اهانه شخصيه لى او لاحد فانا لاارتبط مع صدام باى شىء ولايمثلنى صدام فى اى شىء وكل ما املكه تجاهه هو رفض عنيف وكل ما تحمله ذاكرتى له هى مذابح ومجازر بشريه

لكن لا يصح ان يمر الامر هكذا فهناك فرق ضخم بين المحاكمه و بين الانتقام ما حدث مع صدام كان انتقام ذو ابعاد طائفيه وسياسيه واضحه

ولذلك لم اتعاطف مع الاعدام ليس لكونى ايضا ضد فكره الاعدام ولكن لما يحتويه الاعدام على طائفيه مرعبه وايضا لان صدام لم يعد يمثل اى شىء
فاعتقد انه لن تزيد اعمال العنف بالعراق بعد الاعدام وايضا لن تقل او تختفى

كنت احلم ان يحدث مع صدام محاكمه طويله على كل جرائمه يخرج فيها الشهود ويتشارك فيها العراقين ولكن ما حدث لم يكن كذلك وضاعت فرصه محاكمه فتره تاريخيه بشعه وفاشى يشهد العالم كله على جرائمه

 
At 5:40 PM, Blogger motaz elmasry said...

عزيزى بسام و كل الصحاب
أنا لسه جاى من السفر و مش شايف قدامى, فمعلش مش هاقدر أعلق, أنا حبيت بس أقولكم كل سنه و انتو طيبيين يا رب تكونوا بخير

 
At 12:03 PM, Blogger أدهم الصفتى said...

اظن ان الحكايه مش حكاية اهانه او اى حاجه من الكلام ده
جزار لشعبه و غار فى داهيه
بس فيه مشكله حقيقيه بقى
ان المفروض محاكمة صدام كانت تبقى وثيقة تاريخيه بجد
تفضح الدور العربى المتواطئ و اللى سادد بقه و ودانه عن المجازر ضد الأكراد و الشيعه و هلمجرا
و تفضح الدور الأمريكى اللى شارك فى صنع صدام
حاجه زى محاكمات روزنبرج كده
و يبقى اعدام صدام ساعتها هوه قرار شعبه اللى بيحاسبه على افعاله زى ما يشوف بقى
و ساعتها كان حايشارك ناس من كل الطوائف حتى السنة فى اعدامه
ده لو افترضنا انهم ساعتها حايعدموه و مش حايكتفوا بحرقه تاريخيا قدام الجميع و خصوصا اللى شاركوه فى التورته من عرب و أمريكان
..............
لكن بجد هوه ده مصير كل جزارى الشعوب
...........

أدهم

 
At 9:01 AM, Anonymous kholoud said...

مش عارفة يا مزن
اه انا اكيد مش متعاطفة مع صدام .. بس في نفس الوقت مستفزة من حجات كتير .. منها سيناريو الموضوع علي بعضه.. مش قادرة افهم يعني ايه نشوف اعدام بني ادم ايا كان علي الهواء مباشرة، الفكرة نفسها مريعة بانسبة لي وكمان تعمد تصوير الشتايم اللي كان بيشتمها .. كل ده مش شايفة ان وراها اي حاجة غير محاولة سخيفة للاستفزاز.. مش فاهمة يعني بحبة جهد قليل جدا كان ممكن السيناريو يطلع احسن كتير أ, علي الاقل اقل استفزازا.. لكن الغباء اللي حصل حول صدام بجد لبطل شعبي.. حتي من الناس اللي كانت ضده او كانت مش مهمتة بالموضوع

 

Post a Comment

Links to this post:

Create a Link

<< Home