Wednesday, November 22, 2006

خبر استفزنى ..زواج الفيشاوى


خبر استفزنى

قرر الفنان الشاب احمد الفيشاوى الاستقرار فقد تزوج يوم 15 نوفمبر بفيلا الفيشاوى بطريق مصر اسكندرية الصحراوى، قد اقتصر الفرح على أفراد من عائلتى العروسين وبعض المقربين من الأصدقاء
وكانت قصة حب ساخنة قد جمعت احمد بعروسه منذ فترة لكنه
تكتم تفاصيلها.........!0
وبالرغم من حالة اللامبالاة التى أشعر بها تجاه كل مايحدث الا ان هذا الخبر استفزنى بشدة
مزن

17 Comments:

At 7:56 PM, Anonymous محمد صبرى said...

يا ترى الخبر مستفز لأن فيه استمرار لحالة لامبالة شاب بفتاه تلاعب بها و كان سبب فى التشهيير بها .. و لا لأن حالة اللامبالاة دى جت على وجه الخصوص من الفيشاوى ذلك الشاب الذى تشدق و لازال بمجموعة من القيم حتى فى عز حملة التشهيير اللى تورط فيها ضد فى الفتاة

 
At 1:12 AM, Blogger Egypt Camira said...

اهو كلب من الكلاب اللى الصبح بيتكلموا فى الدين وبالليل بينام مع أول واحدة يلاقيها

 
At 1:28 AM, Blogger fatma said...

مزنتي
عودا حميد للتدوين و اهلا بك في قافلة الرصد الاعلامي
انا عارفة اد ايه دة اللي حصل في حكاية الفيشاوي شئ مزعج: التشدق بالقيم لا نؤمن بها و بقول اخر لا نلتزم بها و التخلي عنها عند اول مفترق طرق ، عند اول ازمة تواجهنا
لكم تأثرت بهذه المسرحية الهزلية و مازالت اثارها تتوالي و لكن مثل هؤلاء الكائنات هل تستحق اقل اهتمام ، انهم يعيشون علي الاضواء ، فلنطفئ الاضواء علهم يختفون من حياتنا ،

 
At 3:49 AM, Anonymous محمد صبرى said...

egypt camira

على فكرة لو عممنا الفكرة شوية واعتبرنا كل واحد بيتكلم عن مبدأ أو قيمة و بعد كده خالفها كلب ...يبقى حوالى 99%م الشعب كلاب

بس بينى و بينك فى 1% من الشعب عبقرى ابتكر ايه بقى يا سيدى ..طريقةعسل عسل عشان كلامنا يطابق أفعالنا .. و الطريقة دى يا سيدى بسيطة أوى و هى اننا نتخلى عن كل القيم و المبادىء و نهاجمها كمان أو على الأقل نتجاهلها و نهمشها و بكده ببساطة و بمنتهى السلاسة تلاقى كل أفعالهم مطابقة لكلامهم و ميبقوش كلاب

مش بقولك عباقرة

:)

 
At 9:06 AM, Blogger so7ab said...

زونتى

اولا الموضوع فكرنى بمشروعنا القديم بعمل ملف عن القضيه واثارها بس كانت ايام والله

كالعاده حاله ضخمه من الاستفزاز بتحصل لى كل ما سمع خبر عن احمد بالاخص الاخبار ديه و من فتره مش بعيده قال انو هيخطب فتاه تانيه وبعدين الموضوع فشل وتعامل الفيشاوى مع الامر عادى جدا وكأنه الشاب اللقطه اللى مستحيل يترفض

صبرى
الازمه مش بس ادعاء قيم ومخالفتها انا شخصيا مؤمن بان البشر لحم ودم ومشاعر ومهماش افكار ثابته لكن احمد كداب على طول الخط ونموذج فج لشكل الشاب الفنان الملتزم
احمد الفيشاوى ازمتى معاه فى حجم القيم اللى طول الوقت بيزرعها من الفن النظيف لابناء الفنانين لكل قيم المجتمع الذكورى لكل تناقضات مجتمع وكل ازمات الوسط الفنى فى مصر
ازمتى مع احمد اكبر مليون مره من كونه كدب مره

 
At 10:20 AM, Blogger mozn said...

انا اللى استفزنى هو ان احمد فعلا أصبح شخصية كريهة بجحة وقادر
وبيساعده على ده مجتمع فاتح له ابواب التوبة او التغاضى عن افعال الرجال فى ماضيهم او حتى الفخر باخطاء الماضى
انا لما شفت صور الفرح والناس حواليهم تصورت لو هند عملت نفس الموقف هيتقال عليها ايه؟حدث ولاحرج !
شوفوا النظرة لمن حضر عيد ميلاد لينا الول والتانى وردود الفعال حول دعاوى العيد ميلاد اللى وزعتها عائلة هند
لكن لما أبوه وامه وفنانيين مصر العظام بحضروا فرحه عادى ولازم بعد كده يقعدوا يتكلموا عن قيم المجتمع اللى هما بيدافعوا عنها
أنا كمان مش فاهمة البنت- العروسة- وأبوها عادى كده اتجوز واحد قعد طول سنة ونص كل اللى عنده انه يدفع بانه أقام علاقة جنسية مع واحدة ومتجوزهاش علشان كده مش هيعترف بالحمل
واحد رامى بنته ايزاى أامن له، حتى بقيم المجتمع اللى ماشين نتكلم عنها والله مينفعش حالة البجاحة دى
أنا كمان فكرت فى بنته اللى مرضاش يديها اسمه وبعدين مصر ينكرها وهيا شايفاه بيعمل فرح وينشر صوره علشان يبعد عن نفسه شبهتها
هو ده مجتمعنا اللى هيعامل العروسة الجديدة بشكل كويس لانها زوجة شرعية حافظت على نفسها واتجوزت فى النور مش زى التانية اللى فرطت فى نفسها
ونصيحة كل ام لبنتها خليكى واعية وهاتيه يتجوزك
!!!!!!!!!!!!!!!!!!!!!!!

 
At 10:27 AM, Blogger mozn said...

ملحوظة
ياطماطم انا لا يمكن ان اتجرأ واعتدى على المرصد الاعلامى كل مافى الأمر ان الموضوع استفزنى
وأعتذر عن اى سوء فهم للمرصد الاعلامى ودوره العظيم الذى يقوم بيه
فين اخبار الانتخابات الموريتانية ياتوتى
وحشتينى ياتوتى

 
At 1:39 PM, Anonymous محمد صبرى said...

هو فيه حاجة انا مستغربلها بس هو لما يسود فى فترة فكر متزمت و متعصب نقول مجتمعنا و لما تحصل أزمة أخلاقية و حالة سعار جنسى زى اللى حصلت نقول برده مجتمعنا .. طيب احنا كلنا عماليين نقول و نحلل .. طيب مفيش حد مرة يقول و الحل .. مفيش تصور للحل ...طيب مجتمعنا اللى هننتقده عشان رحب بزوجة شرعية و هاجم علاقة غير شرعية -مع تحفظى على كلمة مجتمعنا هنا لأن الفيشاوى و أهله بميثلوش مجتمعنا دول حالات فردية لكل منها خصوصيتها . و لا انتوا مش بتؤمنوا بقوة الخصوصية الفردية و اثرها فى السلوك فى زمننا ده-على كل حال مجتمعنا اللى بيقبل علاقة فى النور و يرفض العلاقات اللى عاشت فى الضلمة مش ممكن يبقى عنده حق على الاقل فى مسألة انه بيشجع النور و بيرفض الضلمة .. طب انا نفسى اسال كل اتنين بينهم علاقة سرية .. ليه هى سرية ..ايه الضرر فى انها تبقى علاقة علانية ..

حد عنده اجابة يا عالم

 
At 1:51 PM, Anonymous محمد صبرى said...

بس ياريت محدش يقول هى سرية برده بسبب مجتمعنا اصلها بجد متكربش خالص

مهو مش معقول نتهم مجتمعنا بالخلل لما يرفض نوع معين من العلاقات بحجة الحفاظ على البنت و حمايتها من ضياع حقوقها و بعدين لما يثبت الزمن و الواقع ان علاقات من النوع ده بترتب عليها ضياع حقوق البنت فعلا نرجع نطالب مجتمعنا باحترام علاقات من النوع ده

و بعدين الفيشاوى و الأندال أمثاله موجودين فى مجتمعنا و فى كل مجتمع عشان بس ميطبعليش حد يقول اصل الفيشاوى ده افراز مجتمعنا

على فكرة حتى فى الغرب العلاقات هناك فى النور و مشهرة و معروفة للكل بغض النظر عن التوثيق.. و الزواج الشرعى اساسه و الفرق بينه و بين الشرعى العلانية ..يعنى الغرب علاقاته الجنسية أكثر شرعية مننا

 
At 9:18 AM, Blogger مواويل said...

معك حق والله .

 
At 11:48 PM, Blogger علاء السادس عشر said...

إذا كان الوالد مدمن وأحياناً مهرب للهروين , إذا كان الوالد لا يملك الكثير من القيم التى يستطيع أن يقدمها لأبنائه ,أحمد الفيشاوى نتاج أسرة لا تؤمن بقيم ومجتمع يمارس الكذب والتدليس ويطبق القيم بسطحية وقشرية حادة وهذا المزيج الموثرعلى شخصية ضعيفة يخرج لنا شخص مثل أحمد الفيشاوى , المجتمع هو نفس المجتمع والكثير من الأباء لا يملكوا أو يمارسوا قيم حقيقية ولكن مع ذلك نجد الكثير من الشباب يملكوا ويمارسوا قيم حقيقية

 
At 8:13 PM, Blogger Sherif Nagib said...

بالصدفة شوفت تقرير أو جزء عن الفرح في برنامح محمود سعد على إم بي سي (اليوم السابع) ، تكلم فاروق الفيشاوي فمدح في زوجة ابنه أول ما تكلم و قال إنه مش قادر يصبر عشان يشوف ولاد ابنه ، أما الكاتبة و الفنانة سمية الألفي فقالت أول ما قالت انها بتوجه رسالة لأحمد و بتقول له يللا شد حيلك عاوزاك تجيبلي بنات كتير و صبيان كتير !
شعرت بالأسى الشديد على بنته اللي رماها !

 
At 12:50 AM, Blogger حنيـــــــن said...

مش عارفه ليه الخبر استفزك !!!؟

هو يفرق ايه يعنى عن كل الاخبار اللى بتطلع علينا كل يوم

هاييجى ايه ده جنب الناس اللى بتموت كل يوم وبتغرق وبتتحرق وبتغتصب كرامتها

:(

 
At 4:12 AM, Anonymous Anonymous said...

His wife and her family were fooled by him and his family.
Anyway, she and her family are seeking a divorce now, the guy turned to be a real phsyco. Living with double standards, and guess who is the wildest member of his family,...his mother, the one that used to appear as an angel on the Tv screen.
Sorry for writing in english, I have an english -only keyboard.

 
At 6:01 AM, Blogger Egypt Rose said...

الظاهر ان العروس و اهلها سمعوا كلامك و تم الطلاق بعد شهرين فقط من الزواج ، وانا معك تماماً في موضوع الاستفزاز لان مجمل الشباب المصري التافه يفكر بنفس الطريقة و مزدوج المعيير ( ما اتجوزش بني مشيت معها) يجب ان نفكر في طريقة نتخلص فيها من هذه الافكار البالية و التى تخلص منها العالم المتحضر

 
At 9:51 AM, Anonymous Sana said...

يعني كمان منجيش نرمي الحجر على الفيشاوي بس مع انو اكثر خبر استفزني هو يوم ما اعترف بالعلاقة و بعدين بيقولو زواج عرفي يعني هو بيكذب على طول الخط...
اما كشاب فهو ككل الشباب بيبحث عن ذاتو و اخطأ دينيا و اعلاميا كمان بس معرفش يتحمل نتيجة الخطأ وانا من رايي الفيشاوي الاب هو اللي بيملي عليه تصرفاتو
ربنا يهدي............

 
At 9:21 AM, Anonymous Anonymous said...

Es evidente que hay mucho que aprender acerca de esto. Creo que hizo algunas cosas buenas en características también. Sigue trabajando, gran trabajo!

 

Post a Comment

Links to this post:

Create a Link

<< Home