انا و مزن و المطار
انا كنت فرحانة اوي و انا في مطار دبي ، المطار هايل ، منظم و متطور و فيه روح البلد ، و كمان مسلي جدا و ممكن تنبسط فيه من غير ما تدفع فلوس كتيرة ، مش بس المطار اللي كان حلو كمان طيران الامارات ،بجد وجبوا معانا جدا ، الخدمة ممتازة مش بس و انت علي الطيارة ،كمان و انت في الترانزيت، لو فترة الانتظار زادت عن ' 4 ساعات يقدموا لك وجبة في مطعمهم اللي في المطار ، فطار او غدا او عشا علي حسب الوفت اللي انت فيه
و انا في وسط الفرحة و بالعب بقي و مبسوطة ، المطار فكرني بالعزيزة الغايبة ، مزن ، افتكرت لما كنت معاها في المطار و هي مسافرة ، انا عمري ما كنت باروح اودع حد و هو مسافر ، اه ممكن اروح استقبله و هو او هي راجعين ، حتي ماما لما سافرت تحج ما حبتش اروح معها ما حبتش اشوفها و هي مدايني ظهرها و ماشية من غيري.
بس مزن مسافرة كتير اوي ، شهرين بحالهم ، فقلت كل دقيقة زيادة معها فايدة، كنت زعلانة اوي ساعتها
بس المرة اللي جاية لما ابقي في المطار مش هابقي زعلانة ، عشان المرة الجاية هانروح نجيب مزن،
المطار زي الطريق بنتقابل فيه و كمان بنتفارق فيه
انا باعشق الطريق لان فيه لقانا و فرحنا و بكانا
اصحابنا ....................................شبابنا
..... فيه ضحكت دموعنا و فيه بكيت شموعنا
و ضاع فيه الصديق....... انا باعشق الطريق
وحشتني اوي يا زونة ، حبيكي او ي اوي ، انسبطي و تعالي بقي
يا صاحبتي الحلوة ... يا ونسي في الطريق الطويل
ملحوظة مهمة : بما اني عبقورة العباقير ما عرفتش احط صور مزن و لا مطار دبي في البوست ، تخيلوا انتوا بقي
فاطمة امام
posted by Fatma Emam @ 1:54 AM
3 Comments:
فاطمة، أولاً الحمد لله على سلامتك من بلاد الفرنجة :D
حلو البوست يا طماطم بجد، و انا بقرأه حسيت اني شايفاكي و انت بتتكلمي، حسيت بكلامك عن مزن، حسيت انها وحشتني جدااااااااا
فعلاً المطار مثل الطريق، ناس رايحة و ناس جاية، منهم الي يعرف بعض و منهم الي لأ، منهم الي عارف سكته و منهم الي تايه في الزحمة و بلاد الله و في بلده هو شحصياً
بجد وحشتوني انتي و منزن جدااا
و بطلوا سفر و شحططة :D
هخلي امي تجيبهولي
البت فطوطة بتقولي هو الاي بوت بيعمل كام اليومين دول
فاشفقت و تكرمت عليها و قلتها يعني ال 80 جيجا يعملة بتاع الف و نص
وفجاة ارتسمت ابتسامة عريضة جدا جدا جدا بطول سور الصين العظيم
و قالتلي طب اشطة موووووووووووووت
هخلي امي تجيبهولي
فقلتلها والله بجد
طب خلاص بقي بالمرة النوكيا ان 73 عاملة 3 بواكي و الاب توب اخر حاجه بتاع 10 بواكي و الكاميرا الديجيتال عامله بتاع 2 باكو
يا ان شالله ما عن حد ما حوش
وابقي قابليني لو امك جابتهولك
بس بجد فكرة
انا كمان
هخلي امي تجيبهولي
ماشي يا عبد الله
ايه السياح دة
بكرة تندم يا جميل
Post a Comment
<< Home