Wednesday, July 12, 2006

مناضل ديموقراطى فاشى

مناضل ديموقراطى فاشى

فى الفترة الاخيرة ظهرت عدة تداعيات مهمة جدا على الساحة السياسية اعتبرها الكثير مش مهمة لكنها عملتلى حالة عالية من الازعاج فاق تصرفات الدولة البوليسية اهم حادثة واقربها كانت عضو كتلة الاخوان -على لبن -لما طالب بجلد الصحفى ال ايه اللى بيرمى المحصنات ده بالنسبه لى مكنش حادث عجيب ولا ملفت لانه حالة طبيعية من اداء كتلة الاخوان المسلمين فى البرلمان وفى الحياه كلها أما الغريب بقى والملفت والمستفز انه يظهر مجمايع من المفترض انها من قوى تقدمية تدافع عنه وعن غيره تحت منطق شرفاء الوطن والمعركة الوطنية والوطنيين امام الفساد فجأة نبتدى ندافع عن عضو هو من الاساس معندوش اى احترام للقانون بس كفاية انو يكون معارض . العضو المحترم اللى مش محترم القانون ولا يرى له اى فائدة ميفرئش عندى عن ناس كتير كمان بتطالب بجلد مبارك ورجم جمال وخزوئة صفوت ويوسع منهم الموضوع ليوصل للمطالبة بحرق سفارة وقتل سفير – مهما كانت السفارة والسفير- وبعدين نشجع ونهللل لبرنامج نووى لدولة على ان ده هو اللى هيكسر القتلة .


ازاى احنا بنطالب بدولة قانون واحنا بالمطالب الفاشية دى . انا بجد حزين والدنيا من حوليا عمال تزيد سخافة


بسام

10 Comments:

At 7:05 PM, Blogger Mamdouh Dorrah said...

دي هي ازدواجية المعايير
و احنا اكتر شعب مصاب بيها

 
At 12:21 AM, Blogger مـحـمـد مـفـيـد said...

في البدايه احييك
احنا في مفترق طرق وهو ده حال الشعب ماذا فعل الاخوان وغيرهم لم يقدمو اي شي علي فكره انا كنت احد المتحمسين للاخوان ولكن طلعوا اسوأ من غيرهم
والبقاء لله

 
At 6:57 AM, Blogger Gbalawy said...

هل تتفق معى ان الهدف الوحيد لكتل المعارضه زعزعه السلطه وقول لالا وبدون ان يدرى ما فحوى الموضوع الذى اعترض عليه
انها لا من اجل لا
لا اكثر ولا اقل

 
At 7:46 AM, Blogger Fatma Emam said...

طبيعي يا جبلاوي ان يكون هدف المعارضة هو ابعاد الحكومة القائمة و اظهار مدي ضعفها و عدم قدرتها علي حل المشاكلات ، هدف المعارضة هو الوصول لسدة السلطة
انا شايفة ان الواقعة دي بتطرح سؤال حول اقتناع الاخوان المسلمين بقيم زي الديموقراطيةو حقوق الانسان و كمان ليه دايما بيختزلوا الاسلام في العقوبات و بس

 
At 9:57 AM, Blogger so7ab said...

بالظبط يا كورتكس فيه ازدواجية فى المعايير لان امعايير والافكار من الاساس مش نابعة من تجارب حياتية يومية لان المفترض ان التجارب والخبرات هى بتصنع الافكار مش العكس

وديه يا مفيد احد اهم ازمات الاخوان كونهم يبسبقو الاسلام عن الحياة وعن تجاربهم وبعدين لاخوان كل يوم بيثبتو رفضهم لدولةالقاون والمواطنة والمجتمع المدنى

جبلاوى اكيد المعارضةبتقول لا بس يريتها بتقول لا بس لكن المعارضة بستخدم نفس الاسلوب والخطاب الذكورى والفاشى اللى الحكومة بتستخدمه لكن بشكل رافض علشان كده بتضيع الاختلافات وبيضيع معها الاحلام فى وطن مختلف

 
At 9:29 AM, Blogger مراكب ورق said...

ساعات اقوم الصبح قلبي حزين
اطل برة الباب
ياخدني الحنين اللي اشتريته باع واللي لقيته ضاع
واللي قابلته راح وفات الانين وارجع واقول
ارجع واقول
لسة الطيور بتطن والطفل ضحكه يرن مع ان مش كل البشر فرحانين

 
At 10:37 AM, Blogger saso said...

المعارضة اثبتت فشلها، الاحزاب الدينية اثبتت فشلها، حزب عاوز يغير الدستور .. وحركة هدفها الوحيد تقول كفاية للريس طب لو قال كفاية عندكم برنامج؟ لا لسة مافكرناش !!! يمشي بس وبعدين نفكر دة حالنا تصوروا

 
At 5:52 PM, Blogger so7ab said...

يا سوسا الفكرة بس مش بقت برنامج الغالب ان الحركات الاحتجاجية مبيكونش لها برنامج واضح الازمة اللى واضحة جدا هى الخطاب والمطالب لانى اما بعادى النظام جزء منه بعادى خطابه الذكورى الفاشى بعادى الكلام عن الشرف وعن العترنة بعادى نموذج المواطن ابو شناب بعادى الخطاب القومى اللى بيقتل اى اختلافات علشان كده لازم على الاقل خطابى يكون مختلف وحقيقى وانسانى

الطيور صحيح بتطن والنحلايات بتزن بس ضحك الطفل صوتو وطى اوى

 
At 6:21 AM, Blogger مراكب ورق said...

بس انت ركز وانت تسمع ضحكة قلبك جواك
ولو مش مكفيك انت عارف ان انا عيل شربني بيرة ونغني ونتناقش واضحكلك في ودنك واهو بالمرة تفسحني ما انت الكبير بقى
ولا فاكر ان الحزايني عمال على
بطال اللي بتغنيه ده حيغير
الاشياء
لو الحزن طالك يبقى انت المسئول

 
At 11:03 PM, Anonymous Anonymous said...

Very pretty design! Keep up the good work. Thanks.
»

 

Post a Comment

<< Home