فاطمه فى مالطا
. فى عام 1919 ذهب سعد زغلول لمالطابعد مرور 87 عام
بطه فى مالطا
انتظرونا قريبا ... فقط وحصريا على بلوج تابوهات
فاطمة ؛ بطه ؛ طماطم مش عار ف ممكن اكتب ايه بس الاكيد انك هتوحشينا بالتاكيد الاصحاب هيحسو انهم افتقدو روح فاطمة المنطلقة واكيد العالم كله هيحس انه خسر المرصد الاعلامى . مش عارف هتكلم مع مين عل حال الزمالك مش عارف هشوف مع مين الماتشات .. كتير اوى من الناس اسستغربو ان فاطمة تكون صاحبتنا قالو محجبة وقالو متدينة وانتو ... قالو انت يسارى مغترب وانتى نسوية ليبراليه وانتى ماركسية متشدده وانتى فنانه مجنونه بس فاطمه هى اللى فى الاخر قالت اننا كلنا بشر وكلنا صحاب ، فاطمة رسمت معانا احلام صحاب مختلفة واحيانا متضاربة .. لكننا كلنا ضحكنا مع بعض وزعلنا مع بعض فاطمة علمت العالم معنى الاختلاف والتميز ومعاه القدرة على التعايش والاستمتاع
فاطمة حتى لو روحتى مالطا هتفضلى معانا وهيفضل سحرك وكلامك وبصمتك مأثره فينا حتى العودة ... مع السلامه يا صديقة يا جميلة وكلنا مستنين المرصد من مالطا
انتظرونا قريبا ... فقط وحصريا على بلوج تابوهات
فاطمة ؛ بطه ؛ طماطم مش عار ف ممكن اكتب ايه بس الاكيد انك هتوحشينا بالتاكيد الاصحاب هيحسو انهم افتقدو روح فاطمة المنطلقة واكيد العالم كله هيحس انه خسر المرصد الاعلامى . مش عارف هتكلم مع مين عل حال الزمالك مش عارف هشوف مع مين الماتشات .. كتير اوى من الناس اسستغربو ان فاطمة تكون صاحبتنا قالو محجبة وقالو متدينة وانتو ... قالو انت يسارى مغترب وانتى نسوية ليبراليه وانتى ماركسية متشدده وانتى فنانه مجنونه بس فاطمه هى اللى فى الاخر قالت اننا كلنا بشر وكلنا صحاب ، فاطمة رسمت معانا احلام صحاب مختلفة واحيانا متضاربة .. لكننا كلنا ضحكنا مع بعض وزعلنا مع بعض فاطمة علمت العالم معنى الاختلاف والتميز ومعاه القدرة على التعايش والاستمتاع
فاطمة حتى لو روحتى مالطا هتفضلى معانا وهيفضل سحرك وكلامك وبصمتك مأثره فينا حتى العودة ... مع السلامه يا صديقة يا جميلة وكلنا مستنين المرصد من مالطا
بسام مرتضى
posted by so7ab @ 6:01 AM
13 Comments:
مش عارفة ياطماطم المفروض اكتب ايه ولا المفروض أكتب ولا لا
من اول ماعرفتك وانا عارفة ان انا مختلفين بس كنا صحاب ليه معرفش فضلت فترة أسال نفسى وأسألك وبعد كده اكتشفت ان كلامك صح احنا صحاب وبس
بقلنا أكترمن تلات سنين صحاب عدينا مع بعض مواقف صعبة كتير
ولكن مش قادرة أستوعب ان انت هتسافرى وتقعدى شهور من غير ما اشوفك ولا أكلمك ولا نتخانئ مع بعض ولا اخبار من المرصد الاعلامى
يالا انبسطى واعرفى انك فعلا عسل وسكر وبونبونى ياطماطم بابطة ياجميلة
انا عارفة انك نفسك تسافرى بس بجد هتوحشينى جدا
وفى انتظار الخبار من مالطا
اكيد طبعا انا وانتوا ما بيناش العشره اللي ما بينكوا دي لكن بجد انتوا من اكتر المدونات اللي بحبها لو ما كانتش اكترهم ومش باكدب والله
وفعلا هافتقد كتابات فاطمه جدا
ربنا يرجعها بالسلامه
ويخليكوا صحاب مهما اختلفتوا
هذه من المرات القليله التي لا تطاوعنى فيها الكتابه مش عارف ليه انا معرفش فاطمه من زمان -مع الأسف - بس حقيقى انا زعلان اوى انها مسافره لأن في المرات القليله التي قابلتها فيها معفش ليه كنت احس بحاله من الأطمئنان و الراحه و كنت اشعر ان الدنيا لسه بخير و ان البنات البنات أجمل الكائنات مع السلامه يا فاطمه هتوحشيني اوي سافري و اتعلمي واتفسحي و اقري استمتعى بالحياه في مالطا او اي مكان في العالم فأنت تستحقين الدنيا بنت جميله اسمها بكل تأكيد فاططططططططططططططططططططمه
أولاً أحب أحييكوا على البلوج الناجح جداً "تابوهات" و إلي تقريباً بشوفه كل يوم من غير كتابة اي تعليق، تقصير من أكيد
بس اليوم مميز علشان بكتب عن واحدة من أكثر الناس إلي اثروا فيا من وقت معرفتي بيها، فاطمة صديقتي العزيزة، اسم على مسمى، صديقتي الصدوقة مرآتي إلي بشوف فيها أخطائي و عيوبي، صديقتي إلي شاركتني أفراحي و أحزاني و مشاكلي.
بجد هفتقد هزارك و مواقفك الجادة و مناقشاتك و جدلك معانا.
هتسيبي فراغ كبير يا فاطمة بسفرك، لكن مفيش حاجة في إيدي غير إني أدعيلك ربنا يوفقك و تحققي كل أمنياتك الشخصية و العملية
صديقي العزيزة، في انتظارك بعد عام من الآن
تعود بالف سلامه
اصحاب من اجل القعدة الحلوة
هاتستعير كلمات عبد العاطي لان فعلا الكلام صعب و مؤلم اوي
انا فرحانة اني باحقق حلم من احلامي و متفائلة ان التجربة دي ان شاء الله هاتكون مفيدة و مختلفة جدا انا فرحانة باللي انا رايحة له، بس اللي انا سايباه عزيز عليا اوي و ربنا اللي يعلم الشعور اللي جوايا ، كل الحاجات اللي كنت باتعامل معاها ان عادية و طبيعية و دايما ابدا ها تبقي موجودة حاسة انها ها تضيع مني لمدة سنة صوت امي و هي بتقولي اصحي الصبح مش ممكن كل يوم تبقي متأخرة و مناكفتي و غلاستي علي هبة اختي و كمان حمادة و لعب لولو و مزنة و هي بتطمن عليا و لعبي انا و ميسان و مناقرتي مع خلود و حكاياتي مع بسام ، كل التفاصيل اللي كانت جزء مش ممكن اتنازل عنه من حياتي ها ابقي مجبرة ان اسيبها ورايا ، بس اللي انا اكيدة اني هاخده معايا هو دعاكم ليا و حبكم اللي في قلبي دايما و كمان انا عارفة ان زي ما بسام قال حتي لو سافرت ها خدكم معايا لان انتوا مش اصحابي و بس انتوا جزء مني دايما في قلبي و معايا علي طول و ربنا يخلي لنا تابوهات و الايملات
عبد العاطي :
انا كمان يا عبد العاطي فرحانة اني عرفت عليك و انت عزيز عليا جداو كلامك اثر فيا اوي هاعمل بنصيحتك ان شاءالله
نهلول الجميل :
يا نهلولة انت صاحبتي الحلوة و ها توحاشيني اوي اوي انا فرحانة عشانك ان انت ابتديت تحققي نفسك في شغلك انت تستهلي كل خير انا دايما هافتكر كل الايام الحلوة اللي كانت حلوة عشان كنا سوا و ان شاء الله
نوران : شكرا علي كلامك الجميل دة و ان شاء الله تدوياتني ها تفضل مستمرة من هناك و يارب نفضل دايما متواصلين
محمد مفيد شكرا جدا يا محمد و ما تنساناش في دعواتك
لحييكي علي نقدك لي وارحب جدا بالتواصل معك فالشخصيات صاحبه هذا النقد لابد ان تحترم
تحيهاتي
صديقتي العزيزة فاطمة
اكتر الاوقات في الدنيا اللي باحس فيها باني سعيد وعندي القدرة على تجاوز كتير من مصاعب الحياة، اما باكسب اصدقاء جدد وفترة شغلي معاكي اكتر الاوقات اللي عرفتني بفاطمة الانسانة ذات الروح الجميلة والمشاعر الانسانية الصادقة ، وفي كتير من الاحيان عندها اتساق مع الذات كان من اسباب تقييمي لتفكيري في كتير من امور حياتي
فاطمة انتي دايما في قلب كل اصدقائك وكوني اعتبر نفسي صديق لك دايما هتلاقيني على تواصل رغم افتقادي لابتسامتك الصافية وحديثي معاكي
وزي ما قال أستاذي وصديقي العزيز عبد العاطي
سافري و اتعلمي واتفسحي و اقري استمتعى بالحياه في مالطا او اي مكان في العالم فأنت تستحقين الدنيا بنت جميله اسمها بكل تأكيد
فاطمة
حلو اوي و انساني جدا لما نعرف نكون صحاب رغم اختلافاتنا .. دام حبكم و دامت صداقتكوا
في أمن الله فاطمه
اتمنى التعرف عليك ِ
ايميلي بمدونتى
ارجو زيارتها حال عودتك
انتظر نقدك
تحياتي
يا بساااااام يا مرتضـــــــى
أنت فين ؟؟
فين الواجب بتاع المدرسة ؟
:)
وصلك موعد عرض فيلم " سعيد الكفراوي"؟ا
الثلاثاء 19 سبتمبر 12:05 مساءا بتوقيت القاهرة على الجزيرة
مستني رأيك
طبعا ما كانش الهدف من التدوينة دي وجع قلوبكم و لكنها وجعت قلبي مش من الزعل و لكن و احساس امتلاك نعمة غالية زي دي ازاي الناس اللس انا اخترتهم و بحبهم هما اللي ليا احنا بس بقلونا و حبنا لبعض من غير تعقيدات و لا كلاكيع و لا كلام كبر ، ناس بتتونس و تتطمن مع بعض ناس معاك في اي وقت حتي و انت بعيد عارفة انهم بيدعو لي و بيحبوا لي الخير
في النهاية
بحب اصاحب كل شئ صاحب
ما احس باي سور بيني و بينه او فارق
و افارق كل شئ في الدنيا مش فارق
دخلت المدونة بالطريقة التقليدية و هى الصدفة البحتة من خلال تعليق لأحد أعضاءها فى مدونة تانية بيمتدح فيه نوع من الأغانى بعتبره أنا من الأغانى الهابطة و دفعنى الفضول انى ادخل اتفرج على آراء صاحب المدونة دى و اشوف ازاى بيفكر و انا فى حالة من التعجب و الدهشة اللى مبتفارقنيش مع كل مرة أشوف فيها حد بيفكر بطريقة مختلفة فى حاجات كنت فاكر انها من المسلمات اللى لا تقبل الجدل و رغم أن من أصحابى بنتين ليهم نفس توجهات اخينا اللى جابنى للمدونة هنا ..و بينا صداقة قوية فعلا ..لكن الحقيقة انى لسه لغاية دلوقتى بسأل احنا اصحاب ليه ..عشان صحيح انا و هما بنفكر بأسلوب أرقى ..هل عشان احنا فعلا اكتشفنا ان فى النهاية فيه رابط فوق التوجهات بيجمع بينا كبشر ...فى الأول حاولت اتجاهل السؤال ده . لكن بصراحة الأيام أثبتت لى انى مقاتل عن توجهاتى اللى انا مؤمن بيها و هما كمان..و اوقات كتير لقيتنى برد على أى مدون بيتعامل بقسوة و بفظاظة مع توجهاتى- رغم احترامى للحوار المحترم البناء مع الجميع- بتعامل معاه بنفس القسوة ...و الصراحة بجد فى الأخر عرفت اجابة سؤالى انا و اصحابى لينا رابطة خاصة بتجمعنا ..مش تفكير أرقى و لا رابطة انسانية أسمى من توجهات كل فرد فيها و لكن خلينا نسميها رابطة موازية ..ليها اطارها المختلف كليا عن الرابطة اللى بتجمعنى بالمتفقين معايا فكريا ..بدليل انى و اصدقائى فى النهاية كل واحد فينا بيحارب عن توجهاته الناس اللى مفيش بينه و بينهم رابطة صداقة -أحيانا - بمنتهى القسوة .
للأسف الظاهر ان الحل الوحيد عشان نقدر نتعايش اننا نكوت صداقات خاصة مع كل المختلفين معانا فكريا
آه .. نسيت أقولكم ..أنى معجب بالصداقة اللى بتجمعكم.. رغم انى لسه بجد و رغم التحليل اللى فات ده نفسى افهم ازاى صداقات زى دى بتتكون
lover4ever_just4u@hotmail.com
love_for_ever_112@yahoo.com
دى ميلاتى و يسعدى بجد انى اكون صديق الجميع
Post a Comment
<< Home