مبروك ياخلود
مبروك ياخلود
اللى باكتبه انهاردة حاجة فرحتنى فرحة من اكتر أفراح حياتى، نجاح خلود وطلوعها الأولى بممتاز.....من اجمل الأخبار لأننا كنا مستنينها بفارغ الصبر ولأنها جات فى أيام زى الطين علينا كلنا واملنا انها تكسر النحس بتاع الأيام دى وطبعا علشان انا غير متصورة اللى كان هيحصل لنا كلنا لو ده محصلش علشان خاطر خلود ومنها علشان الحق يعنى
مبروك يادودى وعقبال ..........................كل حاجه
اللى باكتبه انهاردة حاجة فرحتنى فرحة من اكتر أفراح حياتى، نجاح خلود وطلوعها الأولى بممتاز.....من اجمل الأخبار لأننا كنا مستنينها بفارغ الصبر ولأنها جات فى أيام زى الطين علينا كلنا واملنا انها تكسر النحس بتاع الأيام دى وطبعا علشان انا غير متصورة اللى كان هيحصل لنا كلنا لو ده محصلش علشان خاطر خلود ومنها علشان الحق يعنى
مبروك يادودى وعقبال ..........................كل حاجه
مزن
posted by mozn @ 3:18 PM
11 Comments:
مبروك يا خلود
واتمنى انك تقدري تنفذي احلام حياتك وبالرغم من اني اعرفك من فترة بسيطة الا اني قابلت انسانة طيبة وجميلة بصفاتها الانسانية وباكسب صديقة جديدة في حياتي طولت او قصرت احب اعرف اصدقاء زيك وزي مزن وباقي اصحابي في وسط البلد
مبروك ثانية مني
بس المقصود بأيام زي الطين...
أحداث لبنان؟ ولا ذكرى أحداث يوليو؟
:)
الف مبروك يا خلود
بجد يا خلود طول الوقت نجاحك كان بيكسر عندى تابوهات عن شكل الطالب المتفوق
خلود الانسانة المتحركة النشيطة الناشطة خلود اللى بتعمل ستين الف حاجة وبتشتغل فى الجامعة وفى الشارع خلود الحماسية المجنونة اللى مش مركزة خلود الجميلة الرقيقة الهادئة خلود الاولى على كلية اداب
هى ديه خلود صحبتنا والله
مبروك عبد العاطى
الف الف مبروك
مبروك يا دودي
فعلا نجاحك هو الحاجة الحلوة في الايام الصعبة اللي احنا عايشينها ، انت تستهلي كل خير و يارب تكمل فرحتك علي خير و تفضلي دايما مفرحانا
مبروك يا خلود
وياريت بقي بالمناسبه تكتبوا حاجه جديده لاني بحب كلامكوا وكل شويه افتح المدونه ومالقيش حاجه جديد
شكرا يا نوران ربنا يخليكي و اعذرينا علي قلة الكتابة و لاننا زي ما مزن قالت في ايام صعبة و اذا كتبنا الكلام ها يبقي كئيب اوي ، ادعي لنا تعدي الايام دي علي خير
This comment has been removed by a blog administrator.
مبروك يا خلود
يعني طلعتي الأولى
ونجيتي من الغرق في الساحل الشمالي
خسارة ملناش حظ :))
اكتشفت انه عيب اوي مرضش على الناس
صحيح الرد جه كتأخر شوية بس معلش انتوا عارفين الناجحين بقه....
بس تعرفوا انا بجد تنحة ومعنديش كلام اقولوه، اصلي عندي اكتئاب بعيد عنكم ( حد صحبي افتي ان ده اسمه اكتئاب ما بعد النجاح )
وعلى العموم شكرا للجميع ، وخاصة صحابي اكتر ناس طلعت عينهم وزهقتهم وانا بمتحن ( بالذات مزن وميسان وبسام ) وكنت كل شوية اعطيلهم اني حسقط او على الاقل مش حغيب تقرير
وعقبال عندكم جميعا
Post a Comment
<< Home