سيناء و الشيكولاتة
انا اتقهرت و اتنقطت و انا باقرأ المصري اليوم النهاردة (13/7/2006) في الصفحة الاخيرة خبر عن تقرير النيابة الادارية عن محافظ جنوب سيناء السابق ، سيادة المحافظ استهلك 196 الف جنيه في شراء الشيكولاتة ، في مدة سنة نصف و الفلوس دي من صندوق تنشيط السياحة ، يعني بمعدل صرف 330 جنيه لشراء شيكولاتة يوميا
طبعا انا عارفة ان خزينة المحافظة متخمة من كثر الفلوس و انا المحافظ بعد ما
نفذ كل مشروعات التنمية في سيناء و حدث كل وسائل الترفيه و الراحة في مقرات الامن في سيناء و تطور المجتمع السيناوي ، الرجل ما عرفش يودي الفلوس فين ، قال يبقي مضايف مع الضيوف الي زاروا المحافظة ، و اهو علي رأي المثل اطعم الفم تستحي العين ، عشان ما يطلعش باحث زي د/ محمد السيد سعيد و يقول قال ايه ان الحكومة الوحشة تتحمل مسئولية تهميش الانسان السيناوي و تخلف المجتمع السيناوي اللي ادي لظهور خلايا ارهابية في سيناء و ان الاستراتيجية الامنية اللي بتستخدمها الحكومة مع سيناء و اعتبارها لسيناء منطقة حدود مع اسرائيل و مكان لحفر الانفاق لغزة و بس!!!!!!!
كأنها ارض بلا سكان ، الاعتبار الاول و الاخير للامن ، اما الانسان المصري سواء في سيناء او غيرها فهو في ذيل القائمة
لكي الله يا مصر
المرصد الاعلامي .
posted by Fatma Emam @ 2:50 AM
9 Comments:
اولا ممتاز انه جاب شيكولاته ومحطهمش فى جيبه
ثانيا انا شامم ريحه حقد فى كلامك ان دل يدل على حبك للشيكولاته وانه طنشك
ثالثا ودى اهم حاجه بقى ياترى الشيكولاته كانت جلاكسى ولا كوفرتينا
اعذرينى فشر البليه مايضحك
تحياتى
جبلاوي قالها كلمة حكمة
شر البلية ما يضحك
يا تجبلى شوكلاته يا بلاش يا ولا
سؤال ، هو باكو الشيكولاته ،ولا مؤاخذة ، بكام النهاردة ؟
فكرتوني بحاجة أختي بتشتغل في هيئة حكومية يعني من رعايا الدولة عملولهم دورات تدريبية - مش في مجالهم طبعا - ومجانا علشان لو المخصص رجع للحكومة من غير مايستهلك في السنوات اللي تليها هيقللوا المخصص شفتوا الخدعة !! يعني نخلصهم انشاللة نولع فيهم بس مايرجعوش واللي عند الحكومة بيضيع زي مانتو عارفين
احنا شعب ما بنجيش الا بالشيكولاته علي رأي محمد صبحي
نقد رائع
مش مشكله شكولاته ولا حديد صلب هم خلاص صدقوا اننا عيال وهنصدق
شيكولاته ايه علشان يجيبوها بالفلوس دي كلها
هي سياسه اشتري حاجات ملهاش قيمه وهتها باغلي فلوس ممكن تجيبها بيها واضرب في2في3 هما وضميريهم يعني لا في شيكولاته ولا حاجه في فلوس اتسربت وخلاص
Here are some links that I believe will be interested
Really amazing! Useful information. All the best.
»
Post a Comment
<< Home