كلاكيت تاني مرة ... الزواج السياحي
كلاكيت تاني مرة ...الزواج السياحي
الي باكتبه النهاردة امتداد لتدوينتي السابقة عن الزواج المبكر والنهاردة هاتناول موضوع تاني و هو الزواج السياحي ل
أخر عدد قرأته من جريدة المصري اليوم ، كان عدد يوم 12 سبتمبر و كان بيقدم متابعات للبرامج التليفزيونية المهمة ، و
من خلال المتابعة دي قدم تقرير عن برنامج تعرضه الايه ار تي اللي يمكن مش متوفرة لكتير من المصريين ، التقرير تعرض لحلقة من برنامج "البيوت اسرار " الي بتقدمه الاعلامية سهير جودة و الحلقة دي كانت بتناقش موضوع شائك و في تقديري بالغ السوء و هو ما يعرف ب" زواج السياحة " و المقصود بها هو عقد زواج مؤقت بين بنت مصرية و سائح لفترة مؤقتة مقابل مبلغ معين تتقاضاه البنت و دي ممارسة موجودة في بعض قري مصر مع الاسف و لكن انا مش تحت ايدي أي احصائيات مضبوطة و موثوق فيها و السبب يرجع الي الوصمة الاجتماعية الي بتمثلها الممارسة دي للبنت و اهلها و الثاني هو صعوبة تدفق المعلومات الحقيقية في مصر .
البرنامج استضاف بنات مروا بتجربة الزواج السياحي وحكوا عن معاناتهم ، كلامهم كان بيقطر مهانة و الم ، في بنت حكت ازاي انها كانت ممكن تتزوج مرتين في نفس الاسبوع و ازاي كانت بتقرف من نفسها بعد كل زيجة و كمان اتكلمت عن ازاي التفكك الاسري اللي في بيتها دفعها للممارسة دي ، و اتكلمت ازاي ان الفقر كمان كان احد اهم العوامل وراء اتجاهها الي " زواج السياحة " وبنت تانية اتكلمت ان بعض الناس اقنعوها ان دة شئ شرعي و مش حرام
الي جانب حالات البنات اللي دفعهم الجهل و الفقر للمارسة دي، في حالة غريبة لسيدة مطلقة حاصلة علي درجة الماجستير اجبرتها الوحدة و كلام الناس للبحث عن الامان في ظل الزواج العرفي المؤقت و دي حالة مختلفة تماما عن الحالتين السابقتين اللي قدموا نمط مختلف البنات في صغيرين في السن و مش واعيات و فقيرات ، السيدة المطلقة علي عكس ذلك متعلمة تعليم عالي و كمان حاصلة علي ماجستير و رغم ذلك اتجرت للفخ دة وطبعا السيدة دي اتكلمت عن اللي حصلها و ازاي زوجها حاول يسترجع امواله اللي دفعها لها و ازاي عيلتها ضغطت عليها عشان تقبل بشروط زوجها المجحفة خوفا من لعنة لقب المطلقة و اتكلمت عن الوسطاء اللي بيلجأ لهم السياح لتسهيل الحصول علي " زوجة مؤقتة "
و استضاف البرنامج عدة متحدثين و سبحان الله كلهم لي تحفظات عليهم ، ما علينا هاقول لكم قالوا ايه الاول عشان ما احجرش علي رأيكم و هابتدي باقبال بركة الصحفية رئيسة تحرير مجلة حواء، اتكلمت عن ان دة حلقة من حلقات سلسلة التسليع و امتهان المرأة والحط من قيمتها اتكلمت عن التناقض اللي بيعيش في المجتمع اللي بيشهد صحوة دينية و لكن برضه بيشهد ممارسات خاطئة بتتستر بستار الدين ، و استضاف كمان د/ ملكة يوسف زرار الداعية الاسلامية و وضحت ان احنا في زمن اجبر المرأة علي امتهان نفسها و ان الفقهاء اختلفوا في مسألة زواج المتعة و لكن في اتجاه غالب رافض لزواج المتعة و دة في اتباع المذهب السني و كمان تحدث باحث اسلامي يدعي صالح الورداني و هو مؤلف كتاب عن زواج المتعة و قال ان لا يوجد نص صريح يحرمه و ان الظروف اللي بيمر بها المجتمع الاسلامي تؤكد الحاجة للعودة لتطبيق زواج المتعة و كمان تحدثت امينة المرأة في الحزب الوطني في الحوامدية التابعة لمحافظة الجيزة و قالت ان الحوامدية موصومة انها معقل الزواج السياحي و قالت ان دة مش حقيقي و ان نسب تكرار الممارسة دي بسيطة و ان اهل القرية بينبذوا البنت و عيلتها اللي بينخرطوا في الممارسة دي و اتكلمت عن اثر الخلل الاجتماعي اللي احدثته الاموال المتدفقة من الخليج علي سلوكيات اهالي القرية اللي دفع الجشع بعض فقراء القرية لقبول تزويج بناتهم و في حالات اكثر شذوذا زوجاتهم لسياح مقابل حفنة من القروش
انا قلبي واجعني و انا باكتب و كل ما اتخيل نفسي مكان بنت من البنات دي احس بالم بيعتصر قلبي و لكن هاحاول احيد عواطفي و افكر معاكم بصوت عالي و في موضوعات كتير من الممكن التطرق لها في التدوينة دي ، اولا اثر الفقر و الجهل علي انتشار الممارسات التي تنتهك كرامة النساء و كمان فكرة الزواج المؤقت اللي قائم بس علي الحاجة الجنسية و اللي بيفتقد السبب الاساسي في الزواج اللي هو تحقيق السكن و المودة و الرحمة بين الزوجين و ذلك كخطوة لاعمار الارض و كمان انا افزعت ان ست ناضجة و متعلمة و بنت عيلة تتزوج بالشكل دة
فكروا معايا في نتائج النوع دة من الزيجات ان جاز اطلاق لفظ الزيجات عليها ، في بنات بيمارسوا الدعارة بشكل منظم من خلال شبكة من العملاء و الوسطاء وايه الوضع لو حملت بنت من البنات دي يا تري ايه المصير اللي بينتظر عيالها
للمرة التانية و اكيد مش الاخيرة يلا نفكر سوا مستنية تعليقاتكم
البرنامج استضاف بنات مروا بتجربة الزواج السياحي وحكوا عن معاناتهم ، كلامهم كان بيقطر مهانة و الم ، في بنت حكت ازاي انها كانت ممكن تتزوج مرتين في نفس الاسبوع و ازاي كانت بتقرف من نفسها بعد كل زيجة و كمان اتكلمت عن ازاي التفكك الاسري اللي في بيتها دفعها للممارسة دي ، و اتكلمت ازاي ان الفقر كمان كان احد اهم العوامل وراء اتجاهها الي " زواج السياحة " وبنت تانية اتكلمت ان بعض الناس اقنعوها ان دة شئ شرعي و مش حرام
الي جانب حالات البنات اللي دفعهم الجهل و الفقر للمارسة دي، في حالة غريبة لسيدة مطلقة حاصلة علي درجة الماجستير اجبرتها الوحدة و كلام الناس للبحث عن الامان في ظل الزواج العرفي المؤقت و دي حالة مختلفة تماما عن الحالتين السابقتين اللي قدموا نمط مختلف البنات في صغيرين في السن و مش واعيات و فقيرات ، السيدة المطلقة علي عكس ذلك متعلمة تعليم عالي و كمان حاصلة علي ماجستير و رغم ذلك اتجرت للفخ دة وطبعا السيدة دي اتكلمت عن اللي حصلها و ازاي زوجها حاول يسترجع امواله اللي دفعها لها و ازاي عيلتها ضغطت عليها عشان تقبل بشروط زوجها المجحفة خوفا من لعنة لقب المطلقة و اتكلمت عن الوسطاء اللي بيلجأ لهم السياح لتسهيل الحصول علي " زوجة مؤقتة "
و استضاف البرنامج عدة متحدثين و سبحان الله كلهم لي تحفظات عليهم ، ما علينا هاقول لكم قالوا ايه الاول عشان ما احجرش علي رأيكم و هابتدي باقبال بركة الصحفية رئيسة تحرير مجلة حواء، اتكلمت عن ان دة حلقة من حلقات سلسلة التسليع و امتهان المرأة والحط من قيمتها اتكلمت عن التناقض اللي بيعيش في المجتمع اللي بيشهد صحوة دينية و لكن برضه بيشهد ممارسات خاطئة بتتستر بستار الدين ، و استضاف كمان د/ ملكة يوسف زرار الداعية الاسلامية و وضحت ان احنا في زمن اجبر المرأة علي امتهان نفسها و ان الفقهاء اختلفوا في مسألة زواج المتعة و لكن في اتجاه غالب رافض لزواج المتعة و دة في اتباع المذهب السني و كمان تحدث باحث اسلامي يدعي صالح الورداني و هو مؤلف كتاب عن زواج المتعة و قال ان لا يوجد نص صريح يحرمه و ان الظروف اللي بيمر بها المجتمع الاسلامي تؤكد الحاجة للعودة لتطبيق زواج المتعة و كمان تحدثت امينة المرأة في الحزب الوطني في الحوامدية التابعة لمحافظة الجيزة و قالت ان الحوامدية موصومة انها معقل الزواج السياحي و قالت ان دة مش حقيقي و ان نسب تكرار الممارسة دي بسيطة و ان اهل القرية بينبذوا البنت و عيلتها اللي بينخرطوا في الممارسة دي و اتكلمت عن اثر الخلل الاجتماعي اللي احدثته الاموال المتدفقة من الخليج علي سلوكيات اهالي القرية اللي دفع الجشع بعض فقراء القرية لقبول تزويج بناتهم و في حالات اكثر شذوذا زوجاتهم لسياح مقابل حفنة من القروش
انا قلبي واجعني و انا باكتب و كل ما اتخيل نفسي مكان بنت من البنات دي احس بالم بيعتصر قلبي و لكن هاحاول احيد عواطفي و افكر معاكم بصوت عالي و في موضوعات كتير من الممكن التطرق لها في التدوينة دي ، اولا اثر الفقر و الجهل علي انتشار الممارسات التي تنتهك كرامة النساء و كمان فكرة الزواج المؤقت اللي قائم بس علي الحاجة الجنسية و اللي بيفتقد السبب الاساسي في الزواج اللي هو تحقيق السكن و المودة و الرحمة بين الزوجين و ذلك كخطوة لاعمار الارض و كمان انا افزعت ان ست ناضجة و متعلمة و بنت عيلة تتزوج بالشكل دة
فكروا معايا في نتائج النوع دة من الزيجات ان جاز اطلاق لفظ الزيجات عليها ، في بنات بيمارسوا الدعارة بشكل منظم من خلال شبكة من العملاء و الوسطاء وايه الوضع لو حملت بنت من البنات دي يا تري ايه المصير اللي بينتظر عيالها
للمرة التانية و اكيد مش الاخيرة يلا نفكر سوا مستنية تعليقاتكم
فاطمة
المرصد الاعلامي من فاليتا عاصمة مالطا
posted by Fatma Emam @ 7:58 AM
13 Comments:
الجميلة فاطمة
موضوع يستحق المناقشة بعقلية وبمنطق تحليلى جدا
قرأت العديد من الاراء بشأن زواج المتعة وهو المسمى فى البوست الزواج السياحى ولا يختلف اى منهم عن الاخر
والاجماع برفضه دينيا هو ما توصلت اليه
اعتقد انه مهما بلغة درجة التخلف اقصاها فلا يوجد اكراه فى الزواج وشرط القبول قبل عقد القران واجب
اذا فهى بمحض ارادتها تتزوج
الاسباب وراء هذا النوع من الزيجات وبالاخص كما وصفتى انها بين وسط معين وهم الفقراء هو الاموال
يا عزيزتى
استسهال بيع الاجساد عن العمل للحصول على المال
بيع الكرامة الانسانية ببيع الجسد قبل الروح
العهر المقنع تحت مسمى زواج
الافكار الخاطئة وتدليس الحق بالباطل
هروب الوعى الدينى
كلها نقاط تستحق ان نقف عند كل منها وكيف يمكن بتضامن فئات الشعب المختلفة ان نجد حلولا لهذه المشكلة المهينة للمرأة المصرية
شكرا على طاقة النور التى فتحتيها ولكن اسفى انها لن تصل لاى من الواقعات فى هذه المشكلة بسهولة
اللهم الا كما قلت بالتضامن لتبليغ الرسالة
تحياتى
والله غريبة اني ألاقي البلوج ده، والأغرب اني أستنتج ان كل اللي فيه من أصحابي القدامى، وده عرفته من اسماء: فاطمة (أكيد امام)، بسام مرتضى، مزن هانم، وموضوع مالتا ده
يا شباب انتوا بجد مشرفين ومنورين عالم المدونات
طبعا عايزين تعرفوا أنا مين، أنتم تعرفوني كويس من زمان، بس سيبوها للظروف، تحياتي
كل سنه وانتم طيبين وربنا يعود علينا وعليكم الايام بخير
فاطمة اولا بجدمفتقد مناقشتنا قبل كل بوسط واثنائه بس يلا الدنيا دايما كده
انتى لما اكلمتى عن ادايه الفقر ببيجبر الناس على كده وفى المقابل واحده ماديا وثقافيا افضل وبرضه بتروح للزواج السياحى طول عمرى كان عندى تفسير ليه علاقة بالفقر وقهره على البنت بس التفكير ده بدأت اراجعه مش معنى انى مبقتش شايف ان الفقر هو السبب بس بدأت اوسع معنى الفقر جوه دماغى
الفقر مش بس الفقر المادى بس كمان فيه فقر فى المشاعر ومعاه فقر ثقافى لمجتمع بالكامل معرفش توسيع معنى الفقر ده يجوز بشكل علمى ولا لا بس ده اللى انا بفكر فيه
العزيزه فاطمه
احييكي علي طرح البوست الرائع ده
اناقريت الجريده لانها جريدتي المفضله واستوقفني هذا الموضوع ولكني لم اشاهد البرنامج
الموضوع شائك جدا ولكن الدين قال ان الموضوع حرام وان كل من اتجه اليه هو لاغراض انت عارفاها طيب ليه احنا ما نبسطش الحلا حتي يكون في متناول الجميع فلابد من نظره حولنا لتغيير مفاهيم كثيره تتعلق بالزواج حتي لا تنتشر لا انتشرت ولكنها لا تتوسع اكثر من ذلك
واسف للاطاله
وحشتينيييييييييي يا طماطمممم
اكيد طبعا برد متأخر كالعادة
معلش بأة
المهم مبروك على اول تدوين من خارج البلاد .
وعن موضوع زواج المتعة انا بصراحة بهنج اما اسمع ان في رجال دين بيحللوه
مش بفهم يعني ايه ممكن اي حد يقبل الفكرة دي تحت اي منطق او عقل او دين ..
مش شايفاه يفرق اي حاجة عن الدعارة . بس ساعات بحسه كمان ممكن يكون فيها اهانة اكتر..
لان على الاقل صعب المجتمع يتعامل معايا ان طبيعي اشتغل في الدعارة.
بس اما لاقي ان المجتمع معندوش مشكلة ان اعمل ده طالما في عقد ..باعتبار ان الطبيعي اني وظيفتي في الدنيا اني ابسط الرجل .. فخلاص بجد لو المجتمع شايف كده .. يبقي نعمل ده بقه من خلال دعارة من ير عقد .. من خلال جواز عرفي من خلال جواز متعو ولا سياحي مش حتفرق خالص .. المهم المبدأ وبس ي
موضوع حلو جدا ياتوتى كعادتك فى الكتابة بس استغربت انك اخترت الموضوع ده كأول تدوينة ليكى من مالطا مش عارفة تصورت انك هتكتبى حاجة تانية
المهم انا عجبنى فى الموضوع أكتر من نقطة فكرة الفقر و اهانة المرأة ، فكرة ان مش دايما الفقر هو السبب وانا شفت ان احنا كتير اهملنا قضايا طبقات تانية زى الطبقة الوسطى علشان دايما الحل هو ان الفقر السبب
وفكرة يعنى ايه بيع وشرا وايزاى بنعرفه اما واحدة تتجوز جواز رسمى ومعلن بس تبيع وتشترى فى نفسها هى واهلها من مهر وشبكة ومؤخر وقايمة الخ اكتر من انها تدور على حقوق تانية ليها وعلى شريك كويس دى مش نخاسة ولا احنا دايما نبص لغيرنا انهم اسوء مننا من غير ما نشوف وضعنا
وفى فكرة جواز المتعة مش عارفة هوالجواز السياحى ولا لا،انا شايفاه مختلف علشان الجواز السياحى مثلا فى مصر بيبقى بعقد عرفى او عقد موثق بس الاتفاق بيبقى بين الطرفين لكن جواز المتعة مقنن فى بلاد معينة وله ابعاد تانية زى مثلا انه شكل الجواز الوحيد فى بعض الدول المرأة تقدر تجوز نفسها من غير ولى علشان كده ناس يتلجأ له علشان تختار شريك حياتها
انا اسفة انى طولت بس انا عارفة لو كنت هنا كنا اتكلمنا مع بعض اكتر ماكتبنا
وحشتينى
الحلوة فاطمة - و الله كنت عايز اقول الجميلة بس الناس كلها سبقتني
طيب نيجي للموضوع اللي انتي عارضاه هنا... و برضه تعالي نبص له من زاوية اوسع شوية من مشكله بنت بتبيع نفسها مقابل فلوس... اية اللي فاضل فينا ما اتباعش يا فاطمة؟؟؟ للاسف كل حاجة بقت قابلة للبيع و الشرا... الضمير متباع... الكرامة متباعة... المبادئ بقي ليها تمن.. الشرف كمان بقي قابل للتفاوض و اللي يدفع اكتر يشيل
للاسف بقي فيه ثقافه جديدة في المجتمع .. هي ثقافه بكام... و اللي معاه يشيل
طيب انتي بتتكلمي عن بنت باعت نفسها لوقت معين في اطار مشبوه و ان كان ظاهريا ممكن علي استحياء شديد نسميه شرعي... طب تسمي اية الناس اللي بتبيع بناتها للابد و بتمن رخيص لأن الشاري موجود
للاسف احنا بجد بقينا في زمن المسخ
المسخ ده اللي هو مين؟؟؟؟ مبارك ؟؟
معلش انا بس مستنية المواطن المصرى ....
يقولى هو مين
أنا حاولت اخمن وموصلتش لحاجة
تحياتي ولحد عندكم جي اقول
بمناسبة الشهر الكريم كل عام وانتم والأسرة الكريمة وكل الأصدقاء والأحباب بالخير ومصرنا الحبيبة كلها بالخير واليمن والبركات
بداية كل سنة و انتم طيبين و يعود عليكم الايام بخير
انا اسفة يا جماعة علي التأخر في الرد و لكن مع الاسف لسة بتاقلم مع الوضع الجديد و كمان الانترنت غالي
توتة : شكرا لك عزيزتي توته علي تعليقك الثري ، لقد اثرت نقطة غاية في الاهمية و هي الارادة المسلوبة ، معك حق تدخل الفتيات هذه العلاقات بكامل ارادتها ، و لكن أي ارادة يا سيدتي اراداة مسلوبة و مغيبة اما نتيجة ضغوط اجتماعية او نتيجة ضغوط اجتماعية ، تتفاعل هذه الظروف مجتمعة في ظل غياب الوعي الديني لتنتج هذا الوضع المأساوي ، اما عن وصول صوتنا من عدمه ، اتمني ان يصل صوتي لهن و ان كنت اشك في هذا و لكن قد تكون كلماتي محفز لبعض من يمكنهم التدخل و يقدرون علي التغيير
المواطن المصري العبيط :
الرجل الغامض بسلامته متخفي بنظارة !!!!
في انتظار الكشف عن شخصيتك يا استاذ و شكرا علي ترحيبك الجميل
عمر :و انت طيب يا عمر و تعود علينا الايام و احنا في احسن صحة و احسن حال و من القمر اللي انت حاطط صورته دة ؟ ربنا يحفظه
بسام : فينك يا بسام انا اللي مفتقداك اكتر انت و البنات، انا معاك في اللي انت قلت عليه ازاي احنا بنشوف نفسنا رخاص و غير كاملين الا لما نكمل كل شروط الجودة اللي بيفرضها علينا المجتمع ، ازاي البنات مش شايفة نفسها الا مجرد انثي تسعي للحصول علي الحماية في ضل الرجل ، ازاي البنات مش قادرة تتصور نفسها كيان قائم بذاته يستمد قوته من نفسه مش بس من رضاء اللي حواليه اللي استحالة رضوا كلهم عليه
اما عن مفهوم الفقر انا كمان بسأل نفس السؤال معاك
محمد مفيد : شكرا علي متابعتك النشطة لنا ، انت بتطرح سؤال محيرني و محير معايا ناس كتير منهم مزنتي ، عن مؤسسة الزواج و ازاي نقدر نحسنها عشان تؤدي المهمة المنوطة بها و كمان ما تصدرش للمجتمع مشاكل جديدة .يا ريت اقدر افرد تدوينة للموضوع دة و كل عام و انت بخير
خلود : أنت اللي وحشتني يا خلود يا جميلة ، واحشني المناقشات معاكي ، زواج المتعة كان محلل في فترة معينة من تاريخ الأمة الإسلامية و لكن اجمع علماء السنة علي تحريمه و كذلك لانتفاء اسباب الحاجة اليه ، معاك حق يا خلود المجتمع ساعة بيقبل بحاجات هو بيرفضها و لكن بس لو حاطه في اطار معين زي زواج السياحة الي قائم علي الاشتهاء الجنسي و لكن الفرق بين الزوجة و العاهرة هي بس الورقة و لو اني مقتنعة ان الزواج الاصل فيه التأبيد و ليس فقط المتعة المؤقتة
مزنتي الحلوة : انا معاكي ان الموضوع مش متوقع كاول موضوع من مالطا و لكن انا لسة باكتب في موضوع عن السفر و الناس و البلد
اما عن النقط اللي اثرتها يا مزن ، فانا معاك قلبا و قالبا و انت اكيد فاكرة الزيجات الي تمت لناس من اللي نعرفهم و كانت اقرب للمزاد منها لارتباط انساني
انت يا مزن عندك افكار عن الزواج المؤقت في دول زي افغانستان ياريت تثري الحوار بمعلومات عن الموضوع دة و كل تداعياته و الموضوعات المتربطة به
اما عن الطبقة الوسطي اللي بتعاني من تغييب لها و لقضاياها علي الرغم من انها هي صمام الامان للمجتمع لانها هي اللي بتدافع عن قيم المجتمع ان شاء الله نفكر في مشاكلها سوا
كورتس :كلامك أصاب كبد الحقيقة زى ما بيقولوا يا كورتس
فعلا في حاجات المفروض انها غالية و عزيزة و لكن مع الآسف بقت مشاع و متاحة لمن يدفع اكثر
احمد ماهر : و الله كل واحد ممكن يشوف المسخ زي ما هو عايز ممكن تشوفوا شخص او حالة فكرية او انهيار قيمي
je cherche a la femme pour la relation mariage m.a.niach youssef b.p.133.60250 aklim maroc.أبحث عن علاقة زواج على سنة الله ورسوله الكريم أطلب من كل تريد الزواج بي الاتصال على هذا العنوان يوسف نياش ص.ب.133 60250 أكليم المغرب
Post a Comment
<< Home