بابا .... انا اخدت الماجستير
رجل من داية .......رجل بطة دايا
طب ايد من داية ...... ايد بطة دايا
بابا ، طبعا كان صوته مش رومانسي اطلاقا، بس كان بيغني لي و انا صغيرة، انا فاكرة الاغنية دي اوي ، عشان لما كنا نتخانق لما كبرت كانت ماما تغنيها و تفكرني بها و تقولي بابا حبيبو يا فاطمة ، طبعا بما اني كنت و مازالت و سأظل شضلية ، فانا كنت باتخانق مع دبان وشي و كل البشر
كنت دااااايما باتخانق مع بابا، كام مضايقني جدا ، كل حاجة ايه دة ، انت بتعملي كدة ليه، هو ايه دة و اسئلة كتيييير بقي
كان بيجيب لي كل الاغاني ، كان بيلعبني كل الالعاب و عمل لي برنامج سياحي في كافة انحاء مصر المحروسة ، لو شفتم صوري و انا طفلة ، تنفع تبقي حملة ترويجية للسياحة في مصر
بس الصورة كانت مع بابا ملونة فيها اسود زي المشاكل الكبيرة اوي و علاقتنا بعيلة ابويا اللي كانت دايما علي صفيح ساخن و ان كانت هناك بعض الارواح الطيبةن الا ان الارواح الشريرة كانت بجد شريييييييييرة اوي
بابا رسم خطوط اساسية في حياتي ، زي حب العلم و القراءة، كان بيجيب لي مجلات و كتب و بفرجني معاه علي الماتشات بقي و يقول فين البرازيل و اني لما اتولدت كان كأس العالم في المكسيك و معلومات كتييييييير في النص
كمان ابويا كان مسلم عن اقتناع ، كان كتير اوي اقوم بالليل عشان اشرب و لا حاجة الاقيه بيعيط و بيكلم ربنا ، كمان درس في ماجستير دراسات اسلامية
ابويا مات و انا في تالتة ثانوي يوم عيد العمال كان فضل شهر علي امتحاناتي
لما نجحت و جبت 95 في المية عمي عباس قال لي انه شافه في الحلم و انه فرحاااااااااان اوي
انا اخدت الماجستير اول امبارح و بتقدير عالي الحمد لله و موضوع الرسالة كان حلم حياتي علي الورق يارب اديني القوة اني اطلعه من علي الورق
يا تري من ها يحلم ببابا و يقولي انه فرحان المرة دي
ربنا يرحم إمام و عبد الفتاح و يبارك في عباس
مبروك يا حاج إمام ماجستير بطة ، بكرة تبقي الدكتورة فاطمة إمام
:)
Labels: خواطر،ايام
posted by Fatma Emam @ 4:11 PM
14 Comments:
انا عيطت يا طمطم
بجد بجد بجد بجد مفيش كلام عارف اقوله
يارب يارب يارب يارب الكلام الي علي الورق يتنفذ علي الواقع وانا معاكي ويالا نفرح كل الناس
مبرووووووووووووووووو
ايه يا عبدالله
النهاردة مفيش عياط احنا ها نفرح اكنه معنا
هو معنا بس احنا مش شايفينه بس
النهاردة عيد ميلاده كمان كل سنة و هو اقرب الي الله
هو بيقرب من الله عشان انا و هبة و حمادة اخواتي لسة فاكرينه و بندعي له
:)
انا واثقة انه اكيد ان شاء الله فرحان بيكى يا طماطم من غير احلام وان شاء الله السنة الجاية تحققى كل ماتتمنية وتسعدى كل اللى حواليكى ر بنا يخليكوا لبعض ان شاء الله يا جميلة
حبيبتي بطوطة
مش عايزة احكي ازاي انا فرحت لما عرفت انك اختي الماجستير ... اخيرا
مبروووووووووووووووووووووك يا اجمل بطوط
عقبال الدكتوراه
عارفة انا مبسوطة و فرحانا من فرحتك و حاسة كاني شايفاكي دلوقتي و انتي بتنطتي ايوة بتنطتي اقدامي و مش عارفة ليه افتكرتك بضفيرة و فيونكة
يمكن لانو و انا بقرا حسيت بكدة
المهم
عايزين حفلة قريب .. اقصد عايزين نحتفل قريب جدا .. و ما تخدناش في دوكة :)
سحر
ألف مبروك يا د.فاطمة
ولاء
شكرا يا ولاء عندك حق انا مش محتاجة حلم هو اكيد فرحان زي كل اللي بيحبوني
سحووووووور
ربنا يخليكي ليا يا قمر، طبعا حفلة بقي و حركات بس اروح اتخرج في مالطا الحنينة و ارجع و نجهز لحفلة جااااامدة
عمرو عزت
الله يبارك فيك يا عمرو، شكرا
شوفي يا فاطمه
أنا مشفتيكيش لغاية دلوقتي - معرفش ليه - بس بحسك قريبه جدا مني مش مستغرباكي خالص
بجد أنا فرحانه عشانك وحسيتك أوي لما افتكرتي باباكي
عقبال ما تحققي كل أحلامك
انبسطي واملي الدنيا حاجات جميله
الله يخليكي يا سمسمة يا مسمسة انت
اكيد هاشوفك
ما تجي اشوفك قبل ما اسافر للتخرج اشوفك انتو بيسو العجيب
انا كمان عيطت يا بطة ..
الف مبروك يا جميلة و يا رب دايما تعملي حجات حلوة تحبيها و تفرحي بيها و تفرّحي الناس اللي حواليكي بيحبوكي
ايه يا جماعة
انا ما كانش قصدي كدة خالص
انا كنت عاوزة افرحكم معايا بها
الدموع مرتبطة بالفرح برضه
ها اعديها لكم انها دموع فرح
ربنا يحقق لك كل أمنياتك يا بطة
الله يرحمك يا حاج إمام
.
.
.
.
إلى الأمام يا بطة
:)
شكرا يا مجهول
مش عارفة ليه حاسة انك اسامة ابن عمي
الي الامام يا روميل .... قصدي يا فاطمة :)
:)
وانا جيت صدفة
جيت متأخر
المهم اني قريت البوست في توقيت مناسب يخليني اقعد كتير اتخيلك واتخيل المرحوم باباكي وفرحت بيكي زيه تمام
ربنا يوفقك يا ستي وكل فرحة تطمنه عليكي
مين يقوله أن انا فاكراه أوي
لدرجة اني بشم في الصور ابتساماته العبير
من يقوله انه عايش لسه فيا
لدرجة اني ساعات بشوفني في المرايا
كاني هو .. كتير كتير
طب ليه مابيجيش في المنام
علشان يباركني مع الحلم الكبير
يمكن عشان دوبته فيا من زمان
فبقينا واحد رغم كونا اتنين
والفرق بينا مهوش كبير
( هذه الابيات تواصل مع هذه الحاله الانسانية الرائعة tah2050@hotmail.com
Post a Comment
<< Home