Monday, November 19, 2007

مين فينا secure


مين فينا secure
اكتشفت فجأة اني بقالي سنين بستخدم المصطلح
وانا اعدة بتكلمي مع صحابي ازاي ان انا مش secure
وازاي ان ده بيأثر علي كل تصرفاتي وعلاقتي بالدنيا من حواليا
ازاي قبل ماصاحب كنت حاسة اني ده حيشكل مشكلة كبيرة اوي في علاقتي
واازي ان ده بيبان اوي في العلاقات القريبة
وبعدين وانا بفكر حاسيت ان اغلب الناس اللي حواليا مش secure
وانا كل حد بيعبر عن ده بشكل مختلف عن التاني
كل حد فينا بيدور علي الامان في حاجة معينة
ممكن تكون الحاجة دي هي في العلاقات ( زي مثلا ) ازاي بيكون عندي حرص بشع ان يكون عندي دايرة علاقات قريبة هي دايرة الثقة الناس اللي انا بحسبهم معايا في الدنيا
واللي اهم الناس اللي انا واثقة انهم بيحوبني
عشت سنين من حياتي مهوسة بفكرة مين بيحبي بجد ومين لا؟
مين عايزني في دنيته وفارق معاه وجودي
وانا اعدت افكر افتكرت مؤشرات كتير من طفولتي المبكرة
تفاصيل كتير اوي صغيرة.. حاجات كنت بدور فيها من غير ماخد بالي علي الامان ، مؤشرات كنت بحطها مع اني عارفة ومتأكدة انها مؤشرات ملهاش اي معني
زي عدد اسماء الناس اللي عندي علي الموبايل
او دلوقتي عدد الصحاب االلي علي face book
او كام حد بيعيد عليا في عيد ميلادي
او اني اقرر اختفي واشوف مين حيسأل عليا
او حاجات تانية كتير ( كفاية فضايح )
كنت كل مرة بكلم فيها صحابي بقعد أسال نفسي الف سؤال
لو طلبت مني مثلا ان اعدي عليها
هي فعلا عايزة كده، وياسلام بئة لو مردتش يبأه اكيد هي مخنوقة مني او مش بتحبني او اي حاجة تانية عبيطة
وبالرغم من ان في كل مرة كنت بكون متأكدة من عبط وتفاهة الافكار دي وبقعد احط الف حجة تخيلها مش منطقية الا اني مكنتش بعرف اوقفها ...
حتي ساعات اما كنت بقي لطيفة مع الناس ساعات كنت بكون لطيفة زيادة عن اللزوم ، وبدي اكتر كتير من اللي انا قادرة اديه عشان دابما اغريهم عشان يفضلوا موجودين .. ميمشوش
مش عارفة بس دلوقتي بقيت حاسة ان اغلنا كده بشكل او باخر
الفكرة مسيطرة عليا بشكل جنوني
لدرجة ان في حاسة ان في شكل ذكروي في التعبير عن عدم الاحساس بالامان
الشكل الانثوي التقليدي في الرغبة بالتعلق بالاخربن وانك تعرف نفسك من خلال تعريف الاخرين ليك، انك متعرفش تحب نفسك غير لو اللي حواليك حابينك ، انك متقدرتش تكون لوحدك، فكرة ال group دي
الشكل الذكروي مش عارفة بس بيكون اقرب للحاجة للنجاح او التفوق في حاجة معينة، او الفلوس او ساعات الخوف من التعلق بالاخرين والي ممكن يبان في كتر العلاقات او او ..
طبعا مع وجود ذكور بيدورا بالنمط الانثوي والعكس
حتي التربية الذكزروية اللي احنا متربينها بتأثر في ده كمان
المهم ان محدش فينا حاسس بالامان بس كل حد فينا بيدور عليه في منطقة غير التاني

5 Comments:

At 10:38 PM, Blogger mozn said...

ومحاديش فينا هيلاقيه ياخلود
ابتديت احس انه احساس وهمى
مش هنلاقيه ومش هنحصل عليه لو حصل ايه ويمكن ساعات نوهم نفسنا بانه موجود واحنا قريبيين من ناس معينة صاحب صديق أو عيلة
بس انا أظن ان احنا عمرنا ماهنحسه وهنفضل ندور عليه
حلوة التوينة جدا

 
At 5:42 PM, Blogger so7ab said...

الخوف هو جزء مهم جدا فى حياتنا اوقات هو اللى بخلينا عايشين علشان نفضل ندور على الامان ولان الامان هو شىء وقتى جدا وكلمة فضفاضة وبينى بينك الكلمة ملهاش معنى اوى يعنى فمستحيل نفضل وقت طويل حسين بيه حتى مع نفسينا صعب اوى انك تحسى بالامان مع نفسك ويمكن اصعب حتى من انك تحسى بالامان مع جروب او مع صاحب او اهل الثابت والمعروف هو الاحساس بالخوف

فى النهاية احب اهديلك اغنية

كاننا وحشينه مع اننا عايشينه
: )

 
At 5:33 PM, Anonymous nour said...

احساس وهمي بنعيش طول حياتنا بندور عليه وهيفضل معانا لحد نهاية حياتنا وبيزيد احتياجنا للاحساس ده مع الخطوات المختلفة اللي بنحققها في حياتنا سواء كانت بالتقدم خطوات لقدام أو الرجوع للوراء

 
At 6:02 AM, Blogger fatma said...

خوف لا عمره خلي القلب يفرح فرحة بجد و لا عمره خلي حد يطمن لحد
بس كمان زي ما في خوف في مصادر للامان و الدعم
مش كدة و لا ايه ؟؟

 
At 1:01 PM, Blogger son's egypt said...

السلام عليكم
كل واحد فينا بيدور علي الامان
سواء في شخص بيحبة او في اي حاجة تانيه هو بيحبها
بس المشكلة الامان بيكون موجد فين
وهل لما نلاقيه بيكون امان بجد ولا مجرد سراب

 

Post a Comment

Links to this post:

Create a Link

<< Home