Tuesday, January 01, 2008

خلصت 2007








اخيرا خلصت 2007
وبالرغم من عدم تفائلي خالص ب 2008
الا اني بحاول اتعامل مع الموضوع ان في صفحة مشخبطة بتتقلب
2007 شهدت كم احداث درامية غير طبيعية
كانت قصيرة اوي بس حصلت فيها حاجات كتير اوي
بس الغريب ان كل حاجة من برة تبان زي ماهي
بس جوايا في حاجات كتيييييييييير اوي اتغيرت
البدروم اتفتح اكتر من مرة
وفي كل مرة كان وفي كل مرة كان بتفتح فيها كان بيموت حاجات وبيطلع حاجات جديدة
كل عفاريتي بلا استثناء صحيت في 2007
كان فيها كم وجع غير طبيعي
والغريب ان ده مش عندي بس .. بس كان عند كل الناس اللي انا اعرفهم في حياتي
كلهم صحيت عفريتهم في 2007
مش عارفة ليه بجد
بس كلنا اتغيرنا اوي خلال السنة دي
ودلوقتي في سيناريوهين
الاول : ان السنو كانت نحس وخلصت وخلاص، وان السنة اللي فاتت كبرتنا ونظفت البدروم شوية ، وده ممكن يخلي في احتمال ان 2008 تكون احسن
السيناريو الثاني: ان البدرومات لسه زحمة، والعفاريت لسه في طريقها نحو السطح
وده حيخلي 2008 اسوء ..
مش عارفة طول عمري كنت بحس ان كل سنة ليها تيمة معينة كده من الاحداث، واما بيجي يوم راس السنة اقنع نفسي انها خلصت بكل اللي فيها ، وحاول اقلب الصفحة
بس السنة دي الوضع مختلف ، مش عارفة اقلب الصفحة ، اول مرة في حياتي محش اوي حاجة في الدنيا والساعة بتدق 12
يمكن عشان المرة دي التيما مختلفة ، الاحداث من جوانا اوي ، ودي بيخلي قلب الصفح اصعب

وكل سنة وانتوا طيبين

3 Comments:

At 3:27 AM, Anonymous DR.AMRMAX said...

انها حتمية تاريخية تحدث منذ الازل

 
At 3:04 AM, Anonymous smile rose said...

العزيزة فاطمة
انا لا اوافقك ابدا على الحكم على 2008 ويملانى الامل انها ستكون اسعد حالا على الجميع وبتمنى تشوفى كل شيىء حلو وتحققى كل احلامك سعدت بحماسكم امس وكتبت عنكم اليوم ويمكن تتابعيه فى مدونتى وترسليه لاصدقائك :
basmagm.wordpress.com

 
At 3:44 PM, Blogger fatma said...

دودي الحلوة
البوست عزييييييييزة
بالنسبة للعفاريت يحعل كلامنا خفيف عليهم يا بنتي احنا وراهم و احنا اللي ها نوريهم انهم غلطوا غلطة عمرهم انهم طلعوا اللي يضايقك بس قعديه جنبي و انا اقضي عليه
لا تقلقي اطلاقا
طبعا ارنوبة النضيفة الشطورة برضه عمالة تنضف حتي و هي بتدون يا دودي خلي البدروم زحمة و لا رايق المهم انها بدروم عدت يعني و احنا فوق في العلالي كدة و سعداء و الحياة حلوة بس نفهمها
بس يا جودي انت خليكي مركزة انك برضه اتعينتي في السنة البائدة و ربنا رحمك مني بتاع ç شهور منها
شوفي بقي لو كنت موجودة ما كانش ها يبقي عندك دماغ اصلا تدوني و لا تكتبي اي حاجة احمدوا ربنا بقي
حبيكي

 

Post a Comment

Links to this post:

Create a Link

<< Home