Friday, November 30, 2007

الحجاب ..... الموضوع و الل فيه


بناءا علي طلب مزن ..... هانذا اصدعكم بموضوع الحجاب الممطوط

انا مقتنعة اني مش هاكتب اي حاجة جديدة ، كل الافكار قتلت بحثا


ايه بقي ..... ايه بقي .... ايه



الحجاب ، يعني ايه، هو ليه ارتبط بالدين و بالاخلاق و الفضيلة ، من اللي فرضه، ربنا و لا المجتمع و لا الشيوخ ، ليه البنات بتلبسه، يعني ايه بالنسبة لك و لكي حجاب ، حجاب علي شعرك و ساعات رقبتك و بس و لا حجاب بينك و بين المعاصي و لا حجاب بينك و بين الدنيا و لا ساتر بينك و بين عيون الناس و لا تصريح مرور في مجتمع مهووس بجسدك، انت لابسة تناكة و لا شعرك مش مضبط و موضة و لا بحثا عن عريس و لا ايه و لا بتداري نفسك فيه من العيون اللي بتنهش جسمك و لا هوية و لا تنطيط علي اللي مش لابسينه و لا انصياعا لتعليمات العيلة و الجماعة و القبيلة


ليييييييييييييييه ؟؟؟؟؟



ليه الحجاب ساحة المعركة ، ليه الاخوان همهم الحجاب و ليه اللي مش اخوان همهم برضه الحجاب ، هو الحجاب مهم اوووووووووووووي كدة ، ابدا و الله مفيش تحت القبة شيخ، ليه عمرو خالد يلف يلف و يرجع للحجاب ، هي الستات ما بتعرفش ربنا الا بالطرحة و بس مفيش قلب و لا نية و لا بصيرة .


هو انا عورة و لا لؤلؤة و لا جارية ملفوفة...... هو انا لابسة الحجاب زي كل اصحابي "المحترمين" و لا ايه، هو ليه روجادا و ديلي دريس بقوا بيعملوا خطوط انتاج بس للمحجبات

هو ليه اقرأ بتجيب بنات زي القمر بس محجبات



كفاية بقي كفرتوا سيئاتنا ...فككوا مننا بقي ... الحجاب بيننا و بين ربنا .... مش بيننا و بين الناس ..... حتي لو كان له تجليات اجتماعية .... يبقي الحجاب شعيرة دينية زي الصلاة .... بيني و بين ربنا مش المجتمع و الناس



جاوبوني من فضلكم


فاطمة إمام

Labels:

31 Comments:

At 1:42 AM, Blogger عمرو عزت said...

الحجاب كزي موضوع اجتماعي عرضة للنقاش و الأخذ و الرد و المدح و الذم و التحليل . عرضة للدعاية له أو ضده .
في كل ما سبق أرى أي حساسية ضده أو معه هي حساسية مفرطة في التعامل مع جسد المرأة , و هو شيء - سواء رغبنا فيه تحت مسمى " الحياء " أو كرهناه لدواعي " التحرير " - فهو مبرر في رأيي, فجدل الاختلاف بين الرجل و المرأة لا أظنه ينتهي . و هو الذي يصنع الحساسية التي تصنعها تراتب الأوضاع في المجتمعات و تحولات المفاهيم : سيادة بعضها و مقاومة البعض الآخر للسائد و تبادل الأدوار.
الحساسية اظنها تشبه أن أكون بين بعض الناس فأجدهم فجأو يتناقشون بحدة و جدية و يطلقون أحكاما حادة بالايجاب أو السلب حول جسدي . الأكثر فداحة أن يكون هذا الجسد - فيما يخص المرأة - محل ترتيبات كثيرة تفرض علي الأنثى منذ ولادتها ثم يوكل إليها نفسها مهمة متابعة هذه الترتيبات و الالتزام بها ثم يتم محاكمتها وفق مراعاتها لها .
أتفهم بشدة ضيق الكثيرات من " معارك الحجاب " من هذه الجهة و من الطرفين و ما بينهما من مواقف وسط .
يلزم " الباحث " قدرا من " التطبيع " مع جسد الأنثى , و قضاياه لكي يمكن أن يفكر و يناقش بلا حساسيات . ( مع أو ضد ) , بينما في الحياة لا أري للجدل و الحساسية انتهاء و أظن أنهما مقبولان في حدود تمنعهما من التجاوز إلي القهر و التمييز .

 
At 8:05 AM, Blogger mthlyaneed said...

هاى ازيك
انا الو مره ازور مدونتك وعجبتنى انا مثلى ملحد اتمنى ان نكون اصدقاء وان نتبادل الزيارت

اما عن موضوع الحجات

فده سلطه زكوريه معامله المراه على انها جسد يغطى او يترك فهو اهانه لانسانيتها


الله فى القرءان زكورى جدا

الرجال قوامون
ايات ضرب المراءه

الله فى القرءان هو انعكاس للمجتمع الزكورى ليس اكثر ولا اقل


عزيزتى عيشى حياتك كما تريدين
دون ان يدخل شيخ تحت اذنك او يقمعكى احد

دون ان تعيشى تحت تاثير تعاليم باليه لا تضر ولا تنفع

فقط كونى نفسك وتحررى

كى تكونى جديره وتستحقى الحيا ه


سانتظر زيارتك وزياره ك لالموجوزدن هنا

مثلى ضد الاديان

 
At 10:26 AM, Anonymous Anonymous said...

انا مريام ومن قريب دخلت مدونه بتتكلم عن الحجاب وتسمحولى اقول اللى قلته هناك هنه وعشان متوهكوش ملخص اللى قلته ان ايه الحجاب بتقول يايها النبى قل لازواجك وبناتك ونساء المسلمين ان يدنين عليهن من جلا بيبهن ذلك ادنى ان يعرفن فلا يؤذين وكان الله غفورا رحيما والايه هنا مححددتش يدنين من اين والدنو لاسفل دايما مش لاعلى والجلباب بيتلبس من الكتف مش من الراس المهم ان الايه امر غير مباشر نيجى باه للامر المباش زى مثلا قوله واعدو لهم ما استطعتم من قوة ورباط الخيل شوفتو الامر الصريح ده ولما باه المتاسلمين الحلوين غاويين يطبقو القران بحذفيره يبقى اذن لازم نستعمل الخيل فى الحرب ولو معملوش كده يبقو كفرة وده امر واضح اشمعنى الحجاب والجلباب يعنى اللى لازم بحذفيرو وقلت من ضمن اللى اتكلم عنه القران الزنا وعقوبته واللى لازم لاثباته يتوفر شهود وخيط والكلام ده يعنى اللى يقوا دى ان ايه كده يبقى كافر والقران مذكرش الحمض النووى فى حد الزنا زى مهو مذكرش البنتكور والتوب ومش المفروض البنات تلبسهيعنى لو واحد زى كلينتون طبقنا عليه الشرع باسلوبهم كان زمانه بقى كده براءه واخير غطاء الراس استخدم ايام الرسول للتمييز بين الجوارى والحرائر وكانت الجاريه بشعرها يعنى الموضوع مش اغراء ولا نيله ودلوقتى ومن اوائل القرن الماضى اتلغت العبوديه مفيش جوارى يعنى انتهى الغرض منه الا لو فى ناس عاوزة العبوديه تان ومحدش يسخر من كلامى لان ده امر من الله لايسخر قوم من قوم ومحددش اى قوم مسلمين ولا لاوسلام

 
At 4:23 PM, Blogger fatma said...

اولا انا سعيدة بالتجاوب مع التدوينة دي
عمرو عزت :
انت عندك فكرة واضحة و مرتبة جدا عن فكرة الحجاب
مشكلتي تكمن في علاقة الفرد و الله و الجماعة ، اوافقك الرأي ان المفاهيم تتغير، عمر بن الخطاب انتقد امرأة تضع النقاب و هي في حداد علي ابنها ، و اتفق عمر في دلك الوقت مع ما شاع من عرف يقتضي كشف الوجه في حالة الحداد و الان يتم تعظيم فكرة النقاب و التأكيد علي فرضيتهو ليس كونه فضلا كما يشيع البعض
مشكلتي الاساسية في ان علاقتي بربي يتوترها الناس ، لا اخيفك سرا ان قلت انني اخشي الرياء او السير كالماشية في القطيع
فقط اريد ان تتاح لي الفرصة ان احدد مصيري بيدي دون خوف
حتي القي وجه ربي و اقدم له ما عملت يدي له وحده

 
At 4:26 PM, Blogger fatma said...

mthlyaneed
هاي
انا باحاول ابقي حرة ، انا مسلمة عن اختيار ، ممكن ادعي دة ، كمان انا اتحجبت و لسة محجبة عشان كدة ، انا مش هاقلع حجابي و لا لبسته عشان حد قال لي البسيه او دة الصح او دة الغلط
حقي في حياتي و تحريكها زي ما انا عاوزة حق غير قابل للنقاش
اه الدنيا بتودينا في سكك معينة
بس احنا كمان لنا سلطة و ارادة و ممكن نختار
و مش من حق حدمن البشر غير الرسول الملهم الموحي اليه انه يدعي هو اللي عارف طريق الجنة و عارف سكة النجاة من النار

 
At 4:30 PM, Blogger fatma said...

مريام
انا مش باتكلم في حجية الحجاب و لا فرضيته
انا قصدي البنات بتلبس الحجاب ليه
ليه الحجاب مش محتفي به الا في كتب الفقه اللي كتبت في عصور الاضمحلال
ليه الحجاب مش الصلاة و الزكاة مثلا ساحة المعركة
مع ان الزكاة بقي ممكن تغير مستوي مادي لناس و تغير شكل طبقات في مجتمعات ما
انا قصدي تجليات الحجاب الاجتماعية مش اسانيده الشرعية
مع ان مش من حق حد انه يستجوبني او يفترض اني مش محجية لمجرد اني اديت واجبي الديني في التفكر
الا اني فخورة اني محجبة و مقررة اني افضل كدة طول ما انا مقتنعة به

 
At 2:18 AM, Blogger mozn said...

بصى يافاطمة انا مطلبتش باى حال من الاحوال مناقشة موضوع الحجاب بس فى ردك على بسام انتى ذكرتى الموضوع وبصراحة كان فيه كتير من التسطيح وكمان تقفيل الموضوع
وانا حاسة بنفس الموضوع فى البوست ده
لا مش فكونا بقا لان اما يكون الحجاب مظهر اجتماعى يفرض حقوق او يمنع المراة من حقوق يبقى مش فكونا ومش علاقة بين الواحدة وربها
لانه اجتماعيا مشكده
انا بحب قوى مقالة عمرو عزت عن الموضوع
لا كتير من صحباتى المحجبات ومش عايزة اقول كلهن عشان مببقاش اعمم بتفرض لنفسها سمو اخلاقى لمجرد انها لابسة طرحة
وكمان بيتم التعامل معاها اجتماعيا بشكل مختلف
ولو واحده فيهم فكرت تقلع الحجاب بترجع فيه لان تم رسم وضع وصورة اجتماعية حولهن من خلال الملابس
واما واحدة فجاة تتجب فتتعامل انها الاخلاقيه المحترمة اللى لا قبلها ولا بعدها يبقى لا الموضوع مش بالبساطة دى
وفى راييى موضوع الاخوان ده اخر حاجة تهمنى لان الاخوان فى رايي مبتبنيش
والحجاب ساحة معركة لانه فاصل اجتماعى فى صالح المحجبات وفى غير صالحهن
فلو عملت اي واحدة محجبة شىء معجبش اللى قدامه يقولو دى محجبة دى وكانها يجب ان تكون قديسة
وموضوع انا عاورة وكده عشان بالبس الحجاب برضه منطق ولو انا مش مشجعيه قوى بس له فكره وساعات بيبقى الحجاب تكميل القهر النفسى اللى بنتربى عليه من اقعدى عدل واكلمى بصوت واطى وغطى رجليكى وكده وكمان صح بنات كتير مبتضربش عشان تتحجب بس الغصب المجتمعى ونظرته الاخلاقية للمحجبة عامل ضغط نفسى من ناحية تانية الغصب مش دايما ضرب

 
At 7:21 AM, Blogger fatma said...

مزنتي
انت ما طلبتش انت اشرت للموضوع و انا كنت عاوزة اتكلم فيه
اكيد انت فاكرة الحوارات الكتيرة بيننا اللي دارت حول الحجاب
انا شايفة ان حكمك علي تعليقي عند بسانم انه سطحي مش مضبوط، مش مفترض في تعليق تناول زاويةفي موضوع متعدد الزوايا انه يتصف بالشمول
التعليق كان بداية للتدوينة دي
المهم
انا باقفل الموضوع اه باقفل الموضوع و مش عايزة التيار في تدوينة ساويرس يبقي بس علي الحجاب عاوزاه مواضيع تانية تتناقش
طول عمري سلطوية :)
انا رديت علي نفس التعليق علي الفيس بوك مش حاسة اني عاوزة اكرر نفسي
بس انا عندي مشاكل كتير مع الحجاب ، الشكل و الهوس بالجسد و هل هو فعلا تقليد اسلامي و لا لا
طبقا لما ذكرته زيبا مير حسيني في اثناء بحثها في موضوع الحجاب هي قالت ان الحجاب لم يتم تقنينه كفرض ديني، و عزله هن الثقافة و تقديمه للمسلمين غير العرب كجزء من الدين الاسلامي و ليس الثقافة العربية الا في عهود الاضمحلال التي اصابت العقل الاسلامي
النساء في ماليزيا محجبات يظهرن اذرعهن دون تحرج، ستار اكاديمي ماليزيا النجمة اللي فيه بنت محجبة بتغنيو بترقص رقص تقليدي
مش عارفة الحجاب من الاسلام و هل لو فعلا من الاسلام هل هو فرض ام مجرد عادة اجتماعية اقرها الاسلام
انا فرحانة اني اتكلمت بصوت عالي عن اللي بيدور في ذهني و انا كدة باتفكر زي ما ربنا قال

 
At 9:18 AM, Anonymous Anonymous said...

انا مريام سيدتى انا مقتنعه ان كل واحد يلبس ما يشاء حتى لو ارتدى الطربوش او الهامبوك او الكيمونو او السارى لكن اللى مش مقتنعه بيه هو اعتبار الحجاب اداه للتفضيل واعتقاد غالب الشعب ان المحجبه الاحسن وتعذيب غير المحجبه وتعنيفها والنظر الها كانها مذنبه حبيت ابين ان غير المحجبه وطبقا للشرع ليس عليها اى وزر والدين المعامله والقران متسع لكل الاوقات

 
At 9:23 AM, Anonymous Anonymous said...

انا مريام وعارفه ان راىى قوى وحجتى قويه واتمنى توصل للناس والقران ديما يحث على التفكير بقوله يعقلون

 
At 12:44 PM, Blogger fatma said...

المجهول
الناس حرة و ربنا بيرشدنا للي فيه الخير و عشان كدة في ناس بتختار تدخل الجنة و ناس تختار فتدخل النار

 
At 12:49 PM, Blogger fatma said...

مريام
انا مش عارفة انت ازاي قدرتي تكتبي كدة
الامام الشافعي نفسه و انت طبعا مش في محل مقارنة معاه
قال رأيي صواب يحتمل الخطأ و رأي غيري و رأي الاخرين خطأ يحتمل الصواب
انا شايفة ان انت بتقدمي الخطاب السائد الواهم انه يمتلك الحقيقة المطلقة اللي احتفظ بها الله لنفسه
القرأن يا استاذة حمال اوجه و ارجعي لتفاسير كتيرة ، اختلف المسلمين من قديم الازل حول العديد مما نعتبره نحن الان بديهيات
رعب الاجماع عند لمسلمين ان دل علي شئ ، فهو يدل علي ضيق الافق
الرسول نفسه قال اختلاف العلماء رحمة
بس احنا بيقنا بنتعامل مع الاسلام بشكل قبلي ، اكنه بتاعنا احنا و يا كدة يا مفيش
يارب ينور طريقنا و يزيدنا علم
في مثل صيني بيقول ان السنبلة المليئة بالحب تميل للاسفل و الفارغة تقف شامخة ، رافعة رأسها
اللهم اغفر لي ما لا يعلمون و اجعلني خيرا مما يظنون

 
At 1:02 PM, Blogger fatma said...

تكملة لتعليق الاسبق
الي مريام
هو كويس انك بتتناقشي معنا بس ليه بتتكلمي مع الناس و انت شايفة ان انت الاصح
انا مش فارق معايا دلوقتي حكاية الحجاب و الموضوع دة برمته
اللي فارق معايا هي مشكلة تسيد صوت واحد و صورة واحدة للاسلام
لو نرجع لتاريخ الاسلام و احاديث الرسول نفسه قال ان المسلمين ها يكون اكتر من نيف و سبعين فرقة
من بقي الفئة الفائزة الغالبة
مش من العدل و لا الذكاء حتي ان حد يدعي ان هو من الفئة دي من اللي قال لك تعرف ايه اكتر من الناس التانية
كل المسلمين بيقراوا نفس الكتاب و نفس السنة من بقي اللي يدعي انه بيوحي اليه
انا اسفة علي حدتي بس بجد الاسلوب دة اكتر حاجة ممكن تتعب لي اعصابي و تحسسني بخوف علي ديني
اللي ربنا نزله للناس رحمة و سعة و انا شايفة الناس يوم و را يوم بتضيق البراح

 
At 10:04 AM, Anonymous Anonymous said...

انامريام فى فرق كبير اوى اوى انى اقول انى شايفه ان رايى قوى وحجتى قويه وفرق بين انى اقول انى اصح الاراء وانا مقلتش كده ممكن القوى يكون صح قوى وغلط قوى برضه زى ما ممكن يكون عقلانى قوى ومجنون قوى وده فرق كبير جدا انا بوصف مش بصنف ولم استخدم افعل التفضيل فى كلامى وانما اقتناعى بقوته نابع من تفكير وقراءات وما هلك امرؤ عرف قدر نفسه وانا قلت القران يحث على التفكير يعنى ممكن غيرى يفكر ويرد عليه انما القران محثش على التصلب بالراى والاستهانه براى الاخرين وادخالهم فى مقارنات مع ناس اخرين فى رحاب الديان لو لديك سيدتى راى مواز لكل كلمه قلتها وكل موضوع تحدثت فيه يمكنك الرد دون التفرع لمقارنات وانا لو متبعانى تلاحظى فى قولى انى مقتنه ان كل واحد يلبس مايريد يعنى حسب فكره يعنى مقتنعه بحريه الفكر ولم احجر على راى احد كما لااحب ان يحجر احد على رايى ولو تلاحظى انى قلت ان القران فيه امر بعدم السخريه فى قوله لا يسخر قوم من قوم وانت سخرت منى حين قلت انت تبقى ايه جنب الامام الشافى والامام الشافى ليس منزها على العالمين سيدتى وليس وحى يوحى وهذا الامر فى القران لا يفرق اطلاقا عن الايه الخاصه بالجلباب والحجاب كما جرى الفقهاء على تسميته بل هو اقوى منه ان كنت تقولين انك نفذت امر الحجاب والذى سبق فى مداخلات لاحقه التحدث عن شرعيته الان بلاضافه الى نعتك لى بانى مدعيه وهو مخالف لنفس الامر وامر اخر بعدم التنابز بالالقاب والزمن يا سيدتى لم يتوقف على الشافعى وابن حنبل كل عصر وليه مفكريه وكلنا بشر اعطانا الله حق التفكير والعقل ويوم الحساب لن يفرق بين مريام وبين الامام الشافعى مادمناجميعنا نعقل ولا يوجد بيننا من نؤلهه ولا انت شايفه ان احنا نبطل تفكير ونعيش توابع توابع للاسف احنا علشان كده مبنتطورش وللمرة الاخيرة لافرق مطلقا فى الدين والعقيده والخلق بين المحجبه وغير المحجبه وده بناء على حججى السابقه وعلى مااراه فى حياتى اليوميه بحكم عملى الرقابى بالحكومه وشكرا

 
At 10:04 AM, Anonymous Anonymous said...

انامريام فى فرق كبير اوى اوى انى اقول انى شايفه ان رايى قوى وحجتى قويه وفرق بين انى اقول انى اصح الاراء وانا مقلتش كده ممكن القوى يكون صح قوى وغلط قوى برضه زى ما ممكن يكون عقلانى قوى ومجنون قوى وده فرق كبير جدا انا بوصف مش بصنف ولم استخدم افعل التفضيل فى كلامى وانما اقتناعى بقوته نابع من تفكير وقراءات وما هلك امرؤ عرف قدر نفسه وانا قلت القران يحث على التفكير يعنى ممكن غيرى يفكر ويرد عليه انما القران محثش على التصلب بالراى والاستهانه براى الاخرين وادخالهم فى مقارنات مع ناس اخرين فى رحاب الديان لو لديك سيدتى راى مواز لكل كلمه قلتها وكل موضوع تحدثت فيه يمكنك الرد دون التفرع لمقارنات وانا لو متبعانى تلاحظى فى قولى انى مقتنه ان كل واحد يلبس مايريد يعنى حسب فكره يعنى مقتنعه بحريه الفكر ولم احجر على راى احد كما لااحب ان يحجر احد على رايى ولو تلاحظى انى قلت ان القران فيه امر بعدم السخريه فى قوله لا يسخر قوم من قوم وانت سخرت منى حين قلت انت تبقى ايه جنب الامام الشافى والامام الشافى ليس منزها على العالمين سيدتى وليس وحى يوحى وهذا الامر فى القران لا يفرق اطلاقا عن الايه الخاصه بالجلباب والحجاب كما جرى الفقهاء على تسميته بل هو اقوى منه ان كنت تقولين انك نفذت امر الحجاب والذى سبق فى مداخلات لاحقه التحدث عن شرعيته الان بلاضافه الى نعتك لى بانى مدعيه وهو مخالف لنفس الامر وامر اخر بعدم التنابز بالالقاب والزمن يا سيدتى لم يتوقف على الشافعى وابن حنبل كل عصر وليه مفكريه وكلنا بشر اعطانا الله حق التفكير والعقل ويوم الحساب لن يفرق بين مريام وبين الامام الشافعى مادمناجميعنا نعقل ولا يوجد بيننا من نؤلهه ولا انت شايفه ان احنا نبطل تفكير ونعيش توابع توابع للاسف احنا علشان كده مبنتطورش وللمرة الاخيرة لافرق مطلقا فى الدين والعقيده والخلق بين المحجبه وغير المحجبه وده بناء على حججى السابقه وعلى مااراه فى حياتى اليوميه بحكم عملى الرقابى بالحكومه وشكرا

 
At 10:16 AM, Anonymous Anonymous said...

نسيت سيدتى ان اقول لك انك تحدثت بعصبيه كما قلت والعصبيه دائما ما ترتبط بالقبليه ولتعصب اما المدنيه دائما تعنى الصدر الرحب لتقبل الاراء والافق الواسع وليس الضيق ولو كنت فظا غليظ القلب لانفضوا من حولك

 
At 7:09 PM, Blogger fatma said...

بصي اولا انا ما قلتش انك مدعية و النقد عمره ما كان استهزاء انا لو مستهزءة بك مش هاديكي من وقتي اني ارد عليكي و اناقشك
انا متوترة من انا انا انا انا اللي مالية كلامك ، انا عارفة انت قلت ايه و اتكلمت عن حرية الناس ازاي اللي وترني منك ، افتراض وجود رأي صواب و رأي خاطئ ، انت كلامك اه مفيهوش تفضيل بس كمان قطعي جدا ، بتقري وجود صح و خطأو دة مش قائم يا مريام ، الوحيد اللي عنده الصورة كاملة هو ربنا كلنا بنحاول نقرب علي قد ما نعرف
اعوذ بالله اني استهزأبحد مش عشان بس انا باحترم الناس بس انا باطبق مبدأ عامل الناس كما تحب ان يعاملوك
انا مش عصبية انا حادة و في فرق شاسع الحاد ممكن يكون عنده شحنة عاطفية موازية لاستخدامه للعقل
انا مش فاهمة فكرة اجتماع الشئ و نقيضه في رأي واحد ، المنطق بيقول من الصعب ان لم يكن مستحيل ان تجتمع الصفة و نقيضها فس شئ واحد

انا مش عاوزة ازج بحياتي الشخصية في الموضوع و معلش يعني ما حدش يعرفني عشان يقيمني

انا في الاول و في الاخر ما اعرفكيش عشان اكن لك اي شعور سلبي او ايجابي
انا مقدرة انمك بتقرأي اللي كتبته و بتردي عليه
اه انا لسة شايفة ان في مشكلة في الخطاب و اسلوب الحوار ، مازالت قائمة و واضحة

و لكن في الاول و في الاخر اهلا بك و بكل اللي بيقروا لنا في تابوهات
مفيش اي حد ممكن يدعي انه منزه و او اكبر من المقارنة
وربنا قال فيما معناه اعملوا فسيري الله اعمالكم و رسول و المؤمنين

خلينا في جزئية المؤمنين

المؤمنين بيشوفوا اعمال السابقين و المعاصرين لهم و يستنتجوا منها و يبنوا علي بعض


شكرا يا مريام تاني اهلا باللي بيقروا تابوهات بصدر رحب

واضح ان الصراحة في البلد دي ما لهاش جزاء غير القفش

 
At 7:33 PM, Blogger fatma said...

تكملة لما سبق
مش فاهمة فكرة اننا كلنا سواء ازاي بس
يعني اللي قدم كل الانجازات دي ها يتساوي مع اي مجتهد مصيب او مخطئ
ما عتقدش في حاجات محسومة زي ان ايمان ابو بكر مساوي لايمان الامة مثلا و غيره كتير
انا عندي مشكلة في كيفية تعاملنا مع ما انتج السابقين ، المفروض الا نقيد به و لكن نستنير به و ندرك حين التعامل معه انه نتاج عصره و بيئته التاريخيو مما يقلص جواز تطبيقه في كل مكان و زمان ، الا ان هذا لا يستقيم مع الوحي المنزل و احاديث الرسول المدققة المتفقة مع ما جاء به النص القرأني
اه في عملك الرقابي اللي انا مش عارفة فرق ايه معيا دلوقتي في النقاش انا شايفة انه خلاكي ماسكة قلم احمر دة صح و دة غلط ، في حين ان كل شئ حتي ربنا قابل للبحث و التدارسو هو ربنا اللي قال كدة
اخيرا انا لابسة الحجاب طاعة و كل يوم باسأل انا باطيع من ربنا و لا اللي حواليا لو اتأكدت في يوم اني لابساه عشان الناس اكيد تاني يوم ها قلع
الامام الغزالي حجة الامة كاتب احياء علوم الدين شك في وجود الل ه و اهتدي بنورهو لم بوبخ لم ينتقد
انا شايفة انا الحوار دة علي الرغم انه مش ودي من الطرفين
الا ان القراء و انا استفادوا منه
كتير
مستنية تعليقاتك دايما
خليتني افكر و ارد
بس برضه لسة متغاظة و دة من جاهلية يا استاذة ، دي حالة من حالات التأمل الايجابية و التفاعل مع اللي بتقوليه

 
At 7:24 AM, Anonymous CresceNet said...

Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. If is possible add the CresceNet(www.provedorcrescenet.com) in your blogroll, I thank. Good bye friend.

 
At 9:07 AM, Anonymous Anonymous said...

معك مريام لو مش عجبك انا مريام وبماانك وجهت لى نقد اى ان الحوار ده طبيعى يدور بشانى ولذلك جاءت كلمه انا فهى لم تستخدم لسرد قصه حياتى بل للتعريف بما اتحدث عنه وسياق الحوار اللغوى يحتم استخدامها سيدتى فلم اقل انا حلوة او انابتاعه ربنا او انا احسن من غير ى سيدتى كل هذا الغضب لمجرد استخدامى كلمه رايى قوى طبيعى ان الانسان يقيم نفسه ويقيمه الاخرون وفرق كبييييييير بين راى قوى وراى صواب وده قلته قبل كده ومثال على ذلك اذا قلت ان الحجاج كان حاكم قوى هل يعنى ذلك انى اراه صائب او هتلر ذو اثر قوى هل يعنى انه صائب وللمرة الثانيه سيدتى تابعى مداخلاتى بدقه وتأنى ولا افهم اى شىء اجتمع مع نقيضه فى قولى واعتقد انك اتفقتى مع بعض ما قلت من ان الانسان لايتجمد مع اراء السابقين ولابد ان يفكر ولا باس من الرجوع لافكار السابقين مع بناء افكار معاصره جديده مادامت الغرض واحد مع اختلاف الصورة الخارجيه وايضا اردت ان اوضح ان حساب الله واحد لكل البشر سواء كانت امه ام فقيه يعنى مثلا لو الجاريه سبت او فتنت او قتلت هتدخل جهنم الكبرى والفقيه لو فعل مثلا زيها هيدخل جهنم الصغرى لمقامه الرفيع ولانها يعينى جاريه زباله وايش جاب لجاب (معذرة للتحدث بالعاميه ولكن هذا مثلا للتوضيح)ونحن سيدتى جميعنا لايمكننا اطلاقا التدخل واطلاق احكام على البشر هى من اختصاص رب العالمين ومهما بلغت عقولنا لايمكننا ان نقر بمن سيدخل الجنه او النار والا كان هذا تعدى على الذات الالهيه وبالنسبه لعملى الرقابى سيدتى فذكرت ذلك ليس للاشارة لمواصفاتى ولكن لابين لك انى احتك بجميع نوعيات البشر واتعامل مع كثيرين وبرجاء اخير قراءه تعليقاتى جميعها بكل دقه

 
At 9:24 AM, Anonymous Anonymous said...

سيدتى اريد ان اذكرك ان الفقيه ومن اشتغل بالدين لن يكون اقرب من الامه الضعيفه لله والا باه كل ما اراد الجنه يروح يشتغل فقيه بصرف النظر عن اعماله فالامه الكادحه قد تكون اعبد من الفقيه وعلى فكرة سيدتى الناس كانت بتقول على قاسم امين انه خمورجى وبتاع ستات ولكن التاريخ والمنصفون اقروا بالخير الذى تركه لنا نحن النساء ونعيش بنعيمه حتى الان وهو التعليم وتقرير المصير ان كان ليس فى كل ما نريد فهو على الاقل فى افضل من الماض وكذلك هدى شعراوى وقيل انها معقده ودعت للانحلال وهى اول من اغلقت بيوت الدعاره التى كانت تسمح بها الحكومه فى هذاالعصر

 
At 9:55 AM, Anonymous Anonymous said...

بالنسبهللتدخل فى صميم الدين سيدتى لاحظى انى اختلف مع طرق التفسير التى تاخد بظاهر النص وضربت لك امثله منطقيه عديده لاعاده القراءه والتفسير ليس الظاهرى بل المقصد من النص ويقول نبى الله رب كاسيات فى الدنيا عاريات فى الاخرة

 
At 10:01 AM, Anonymous Anonymous said...

وعلى فكرة سيدتى انا قلت ان الحجاب استخدم للتفريق بين الامه واحرة ولم تعد هناك امه ولا عبيد لذلك قد انتفى الغرض منه وشكرا

 
At 12:18 PM, Anonymous Anonymous said...

,والاختلاف فى الراى لايفسد للود قضيه

 
At 2:17 PM, Blogger fatma said...

مريام
لك مني كل التقدير
و لا افسد الله بيننا ودا ياستي
دمت اخت عزيزة و قارئة لتابوهات

 
At 4:44 PM, Blogger fatma said...

CresceNet
well thanks for the comment
but dear i am not familar at all with the language u r using
shall u use arabic or english please
i will really apperciate it :)

 
At 8:41 AM, Anonymous Anonymous said...

معك مريام اشكرك كثيرا على تقديرك لى وتقبل مدونتك للراى الاخر وقريبا سيكون لى مدونه اضع بها ارائى وشكرا

 
At 12:09 AM, Blogger fatma said...

مبروك مقدما
و برضه اهلا بكل الناس علي تابوهات

 
At 6:27 AM, Blogger mona said...

موضوع الحجاب مش عارفة لية كل الكلام الكثير الى علية دة كانة قضية الساعة وفى امور تانية اهم احنا بناقش فى امر مسلم بية هو ان الحجاب اساسى فى الاسلا انا منى محجبة وبمزاجى اتحجبت فى الوقت الى انا اخترتة ماحدش فرض عليا من اهلى ولا اتثرت بقنوات دينية او شيوخ او حبيت اقلد اصحابى وحجابى عادى برضة مش من النوع الموضة وعلى فكرة المحجبات بيعانوا من نظرة المجتمع ليهم والتحرشات والمعكسات هو مش حماية فى مجتمع وصل انة بقى بيستبيح كل حاجة ماعدش فية اى وازع وبرضة الحجاب مش تفضيل يعنى انا بحترم الانسان لشخصة مش لمجرد دينة لان الايمان دايما فى القلب

 
At 3:36 AM, Anonymous DR.AMRMAX said...

انا لو كنت بنت كنت لبست مايوة

 
At 10:36 AM, Anonymous Anonymous said...

انا في رايي ان فاطمه لم تثر قضية فقية بقدر ما اثارت قضية دعوية وهي انشغال الدعاه بموضوع الحجب واللحية زيادة عن اللزوم بشكل يخليك تحس ان الدين هو الحجاب الدين كبير وواسع ومليء بسعة الصدر ولاجابات الشافية لكل ما يدور بفكرك بشرط أن تقرأه بعمق ومن مصادره وأن تفتح عقلك على كل الثقافات (ملحوظة ) أغلب البنات بيلبسوا الحجاب مش تدين بقدر ماهو موضة يعني لو بكره لقت زمايلها كلهم بالميني جيب هتنزل الشارع كده حتى لو هيا عار ان ده غلط وده طبعا الغالبية ) أما اللي لابسه الحجاب عن قناعة سلوكا ً وفكرا وتسامحا مقدرش اعمل حاجه غيراني ارفعلها القبعة (tah2050@hotmail.com (

 

Post a Comment

Links to this post:

Create a Link

<< Home